Մեկնարկեց Հայաստանի Արտաքին Գործոց Նախարարին Այցը Լատինական Ամերիկա

0
136

 ՀՀ արտաքին գործոց նախարար Էտուարտ Նալպանտեան Հոկտեմբեր 22-26 պիտի ըլլայ Մեքսիքա, Կուաթեմալա եւ Քոսթա Ռիքա, ուր հանդիպումներ պիտի ունենայ այդ երկիրներու բարձրաստիճան պաշտօնեաներու հետ: Այս մասին կը տեղեկանանք ՀՀ ԱԳՆ մամուլի եւ տեղեկատուութեան վարչութենէն:

Հոկտեմբեր 22-ին Մեքսիքա այցելութեամբ մեկնարկեց Արտաքին գործոց նախարար Էտուարտ Նալպանտեանի այցը լատինաամերիկեան երկիրներ: Մեքսիքոյի մէջ Է. Նալպանտեան հանդիպում ունեցաւ իր գործընկերոջ` արտաքին յարաբերութիւններու քարտուղար Փաթրիսիա Էսփինոսայի հետ: Ողջունելով Հայաստանի ԱԳ նախարարին Մեքսիքայի արտաքին յարաբերութիւններու քարտուղարը  նշեց, որ իր երկիրը Հայաստանը կը դիտարկէ իբրեւ բարեկամ երկիր եւ կը ցանկանայ ընդլայնել փոխգործակցութիւնը եւ այդ ուղղութեամբ ԱԳ նախարարին այցելութիւնը լաւ հնարաւորութիւն է քննարկելու եւ պայմանաւորուածութիւններ ձեռք բերելու համար:

Շնորհակալութիւն յայտնելով Մեքսիքա այցելելու հրաւէրին համար, նախարար Նալպանտեան համոզում յայտնեց, որ իր այցը եւ անոր ընթացքին ձեռք բերուած պայմանաւորուածութիւնները պարարտ հող պիտի ստեղծեն տարբեր բնագաւառներուն մէջ համագործակցութիւնը խթանելու համար:

Հայաստանի եւ Մեքսիքայի արտաքին գործոց նախարարները վերահաստատեցին Սեպտեմբերի վերջաւորութեան Նիւ Եորքի մէջ կայացած իրենց հանդիպումի ընթացքին արտայայտած պատրաստակամութիւնը գործնական քայլեր ձեռնարկելու երկկողմ համագործակցութիւնը որակապէս նոր մակարդակի վրայ բարձրացնելու վերաբերեալ, այդ առումով պայմանաւորուածութիւն ձեռք բերուեցաւ իրաւապայմանագրային դաշտը ընդլայնելու մասին: Զրուցակիցները համակարծիք էին, որ Մեքսիքայի մէջ ՀՀ դեսպանատան բացումը մեծապէս պիտի նպաստի յարաբերութիւններու ամրապնդման եւ խորացման:

էտուարտ Նալպանտեան եւ Փաթրիսիա Էսփինոսա միտքեր փոխանակեցին  տնտեսական համագործակցութեան եւ մշակութային փոխանակումներու աշխուռացման նպատակով ձեռնարկուելիք քայլերուն վերաբերեալ:

Հայաստանի արտաքին գործոց նախարարը տարակուսանք յայտնեց անցեալ տարի Մեքսիքայի նախորդ գումարման խորհրդարանին կողմէ Լեռնային Ղարաբաղի վերաբերեալ իրականութիւնը խեղաթիւրող բանաձեւերու ընդունման առնչութեամբ` ընդգծելով, որ այդ բանաձեւերը կոպտօրէն կը հակասեն միջազգային հանրութեան դիրքորոշումին, որ բազմիցս արտայայտուած է ԵԱՀԿ Մինսքի խումբի եռանախագահ երկիրնեուի ղեկավարներուն կողմէ, վնաս կը հասցնեն կարգաւորման գործընթացին եւ տարածաշրջանային անվտանգութեան,  բացասաբար կ’ազդեն նաեւ հայ-մեքսիքական յարաբերութիւններուն վրայ:

Արտաքին գործոց նախարարը նաեւ ընդգծեց, որ կը կիսէ մեքսիքացի մարդու իրաւունքներու պաշտպաններու տեսակէտը, որ Մեքսիքոյի մէջ այսպէս կոչուած Խոջալուի յուշարձանի տեղադրումը վիրաւորանք է ցեղասպանութիւններու զոհերու յիշատակին հանդէպ, համամիտ է նաեւ ոչ միայն Մեքսիքայի, այլեւ նաեւ աշխարհով մէկ հնչած արձագանգներուն` Մեքսիքայի մայրաքաղաքին մէջ Ատրպէյճանի նախկին նախագահին արձանի տեղադրման առնչութեամբ:  Նախարար Փաթրիսիա Էսփինոսա բացատրութիւններ եւ պարզաբանումներ տուաւ այս հարցերու առնչութեամբ` նշելով, որ այդ ամէնը բացասական  արձագանգ ստացած է Մեքսիքայի հանրային կարծիքին կողմէ:

Նախարար Նալպանտեան իր մեքսիքացի գործընկերոջ ներկայացուց արցախեան հիմնախնդրի բանակցային գործընթացը` ընդգծելով, որ հակառակ Հայաստանի եւ ի դէմս  ԵԱՀԿ Մինսքի խումբի համանախագահներուն` միջազգային հանրութեան,  հարցի խաղաղ լուծման ուղղութեամբ ձեռնարկուող ջանքերուն, Ատրպէյճանի ղեկավարութիւնը իր ապակառուցողական, սադրիչ եւ տարրական բանականութեան հակասող քայլերով ամէն ինչ կ’ընէ բանակցութիւնները  փակուղի մտցնելու եւ տապալելու համար: Այս պարունակին մէջ Փաթրիսիա Էսփինոսա վերահաստատեց Մեքսիքայի կառավարութեան լիակատար աջակցութիւնը՝ ԵԱՀԿ Մինսքի խումբի համանախագահներուն ներկայացուած առաջարկութիւններու հիման վրայ՝ ղարաբաղեան հիմնահարցը բացառապէս խաղաղ ճանապարհով կարգաւորելու վերաբերեալ:

Բանակցութիւններու օրակարգին էին նաեւ միջազգային կազմակերպութիւններու մէջ փոխգործակցութեան սերտացմանն առնչուող հարցերը:

Հանդիպումէն ետք Էտուարտ Նալպանտեան եւ Փաթրիսիա Էսփինոսա  ստորագրեցին «Արտաքին գործոց նախարարութիւններու միջեւ քաղաքական խորհրդակցութիւններ իրականացնելու վերաբերեալ յուշագիր»-ը:

Նոյն օրը Էտուարտ Նալպանտեան հանդիպելով Մեքսիքայի  Սենատի անդամներուն հետ, նշեց, որ այս տարի կը նշուի երկու երկիրներու միջեւ դիւանագիտական յարաբերութիւններու հաստատման քսաներորդ տարեդարձը, սակայն ամէն ինչ չէ, որ եղած է յարաբերութիւնները զարգացնելու համար, եղած են նաեւ քայլեր, որոնք վնաս հասցուցած են յարաբերութիւններուն: «Վնաս հասցրած քայլեր ասելով, ես ի նկատի ունեմ Մեքսիքայի նախորդ գումարման Սենատում եւ Պատգամաւորների պալատում Լեռնային Ղարաբաղի վերաբերեալ բանաձեւերը, որոնք հակասում են միջազգային հանրութեան դիրքորոշումներին եւ խրախուսում Ատրպէյճանի ապակառուցողական կեցուածքն ու ակրեսիւ քայլերը», -ըսաւ նախարար Նալպանտեան:

Իրենց հերթին սենատորները, արտայայտելով Սենատի պաշտօնական տեսակէտը ընդգծեցին, որ հիմնախնդրի կարգաւորման միակ ճանապարհը բանակցութիւններն են եւ իրենք հակամարտութեան բոլոր կողմերուն կոչ կ’ընեն քայլեր ձեռնարկելու շուտափոյթ խաղաղութեան հաստատման նպատակով, որ կը բխի տարածաշրջանի եւ այնտեղ բնակող ժողովուրդներու շահերէն:

Մեքսիքոյի մէջ Էտուարտ Նալպանտեան Հայաստանի արտաքին քաղաքականութեան մասին դասախօսութեամբ հանդէս եկաւ Մեքսիքայի արտաքին յարաբերութիւններու քարտուղարութեան Դիւանագիտական ուսումնասիրութիւններու Մատիաս Ռոմերոյի անուան հիմնարկին մէջ, ուր ներկայ էին Մեքսիքոյի մէջ հաւատարմագրուած դեսպաններ, արտաքին քաղաքական գերատեսչութեան բարձրաստիճան ներկայացուցիչներ, փորձագէտներ, լրագրողներ, դասախօսներ ու ուսանողներ: Ելոյթէն ետք նախարարը պատասխանեց ներկաներու բազմաթիւ հարցերուն:

Նախարար Նալպանտեան նշեց.  «Կոռուպցիոն հարուստ փորձ ունենալով երկրի ներսում` Պաքուն փորձում է այն տեղափոխել միջպետական յարաբերութիւնների հարթութիւն, օգտագործելով այն որպէս գործիք` սեփական թիւրընկալումներն ուրիշների վրայ բարդելու նպատակով: Ցաւօք, որոշ երկրներում որոշ քաղաքական գործիչներ ընկնում են Ատրպէյճանի թակարդը, թուլութիւն են ցուցաբերում,  չեն կարողանում դիմանալ Պաքուից եկող կոռուպցիոն գայթակղութիւնններին: Ներքին փորձից ելնելով, Ատրպէյանում տպաւորութիւն է ստեղծուել, որ միջպետական յարաբերութիւններում էլ ամէն ինչ գնւում եւ վաճառւում է»:

Արձագանգելով ներկաներուն հնչեցուցած դժգոհութեան Մեքսիքոյի մէջ Ատրպէյճանի նախկին նախագահին եւ այսպէս կոչուած Խոջալուի յուշարձաններու տեղադրման առնչութեամբ, Հայաստանի արտաքին քաղաքական գերատեսչութեան ղեկավարը ընդգծեց. «Թէ Մեքսիկայում, թէ աշխարհով մէկ արձագանգները միանշանակ են, դրան անդրադարձել են  մարդու իրաւունքներով զբաղուող փորձագէտներ, առաջատար լրատուամիջոցնէր. CNN, BBC, Associated Press, Reuters, Agence France Press, Time, New York Times, Los Angeles Times, The Washington Post: Այս ցանկը կարելի է շատ երկար շարունակել, կարող եմ ասել, որ համակարծիք եմ արտայայտուած տեսակէտներին:

«Ատրպէյճանի նախկին ղեկավարին յուշարձանի ցուցանակը աւետում է, որ Կ ԳԲ-ի նախկին պետը միջազգային խաղաղութեանը նուիրուածութեան փայլուն օրինակ է, ով առաջնորդել է Ատրպէյճանը դէպի ժողովրդավարութիւն: Պատկերը ճշմարտութեանը համապատասխանեցնելու նպատակով ճիշտ կը լինէր աւելացնել, որ մարդու իրաւունքների տարբեր կառոյցների կողմից այդ երկիրը դասուել է աշխարհի ամենակոռումպացուած եւ հակաժողովրդավարական երկրների շարքում, որ այդ երկիրը դարձել է ուժի կիրառման սպառնալիքների եւ պատերազմ հրահրելու աշխարհի ախոյեան»:

Հայաստանի արտաքին գործոց նախարարը նաեւ մամլոյ ասուլիսով հանդէս եկաւ Մեքսիքայի առաջատար լրատուամիջոցներու առջեւ:

LEAVE A REPLY

Please enter your comment!
Please enter your name here