Ոչ Ոք եւ Ոչինչ Կրնայ Ստիպել Արցախի Ժողովուրդին Ապրիլ Երկրի Մը Սահմաններուն Մէջ, որ Կը Սպառնայ Անոր Ֆիզիքական Գոյութեան. ՀՀ դեսպան

0
182

Իտալիոյ Հանրապետութեան Ծերակոյտի պատմականՁուգգար”-ի սրահին մէջ Հոկտեմբեր 22-ին տեղի ունեցած է հանդիսութիւն` նուիրուած Հայաստանի եւ Իտալիոյ միջեւ դիւանագիտական յարաբերութիւններու հաստատման 20-ամեակին: Իտալիոյ մօտ ՀՀ դեսպանութեան կողմէ կազմակերպուած հանդիսութեան ներկայ եղած են Իտալիոյ խորհրդարանի երկու պալատները ներկայացնող պատգամաւորներ, ԱԳՆ պաշտօնեաներ, հասարակական գործիչներ, ինչպէս նաեւ հայ համայնքի ներկայացուցիչներ: Այս մասին տեղեկացուցին ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապերու վարչութենէն:

 Հանդիսութիւնը բացած է Ծերակոյտի փոխնախագահ Վանինօ Գիդդին, որ ընթերցած է Ծերակոյտի նախագահ Ռենադօ Սգիֆանիի ուղերձը: Այնուհետեւ Գիդդի անդրադարձած է հայիտալական պատմական առնչութիւններուն, Իտալիոյ մէջ հայկական պատմական բացառիկ ներկայութեան: Ծերակոյտի փոխնախագահը բարձր գնահատած է վերջին շրջանին հայիտալական յարաբերութիւններըՈրակապես նոր մակարդակի վրայ բարձրացնելու Իտալիոյ մէջ ՀՀ դեսպանութեան ջանքերը”: Իտալիոյ խորհրդարանին մէջ գործող Հայիտալական բարեկամութեան պատգամաւորական խումբի նախագահ Սանտրա Զամբան կարեւոր համարած է Հոկտեմբերին պատգամաւորական խումբի անդամներուն այցելութիւնը Հայաստան:

 Զամբա նշած է, որ Հայաստանը համաշխարհային քաղաքակրթութեան բնօրրան է, եւ եկած է ժամանակը, որ Եւրոպան փոխհատուցէ Հայաստանին ու հայ ժողովուրդին այն ամէնը, ինչ որ չէ ըրած պատմութեան ընթացքին: Իտալիոյ մօտ ՀՀ դեսպան Ռուբէն Կարապետեան իր ելոյթին մէջ անդրադարձած է վերջին երեք տարիներուն ընթացքին հայիտալական յարաբերութիւններուն մէջ տեղի ունեցած արմատական փոփոխութիւններուն եւ խօսած ԼՂ հիմնախնդրի մասին: ԼՂ հիմնախնդրին վերաբերեալ դեսպան Կարապետեան ըսած է,- “Պէտք է քաջ գիտակցել, որ միմիայն նաւթակազային շահերից դրդուած հնարաւոր չէ պահպանել խաղաղութիւնը մեր տարածաշրջանում: Անհնար է միայն ելնելով կայունութիւն ապահովման մտահոգութիւնից պարտադրել հայրենի հողի վրայ ապրող Արցախի ժողովրդին հրաժարուելու իր ազատ ապրելու եւ սեփական կամքի համաձայն ինքնորոշուելու ինքնիշխան իրաւունքից: Ոչ ոք եւ ոչինչ չի կարող ստիպել պայքարի եւ արեան գնով ազատագրուած ժողովրդին ապրելու մի երկրի սահմաններում, որը սպառնում է նրա ֆիզիքական գոյութեանը”: Խօսելով հայիտալական յարաբերութիւններու ներկայ վիճակին մասին` դեսպան Կարապետեան նշած է,- “Այն հանգամանքը, որ այս երեք տարիների ընթացքում Իտալիայում ՀՀ դեսպանութիւնը Ձեզ հետ միասնաբար կոտրեց անցեալից մնացած շատ ու շատ կարծրատիպեր, հիմնաւորեց հայիտալական համագործակցութեան փոխադարձ շահաւէտութիւնն ու ստեղծեց բարեկամների հզօր բանակ, ինձ վստահութիւն է տալիս հաւատալու, որ միանգամայն հնարաւոր է վերականգնել մեր երկու ժողովուրդների միջեւ առկայ երբեմնի քաղաքական, տնտեսական եւ հոգեւորմշակութային պատմական սերտ կապերը: Դրա հիմքը մենք այսօր դրել ենք: Մենք միասնաբար ապացուցեցինք, որ միանգամայն իրատեսական է մեր երկու ժողովուրդների միջեւ գոյութիւն ունեցող անկեղծ համակրանքն ու բարեկամութիւնը հասարակական մակարդակից տեղափոխել գործնական դաշտ”:

 Հանդիսաւոր նիստէն ետք Իտալիոյ մօտ ՀՀ դեսպանը իտալացի շուրջ 20 քաղաքական գործիչներուն, դիւանագէտներուն, պետական պաշտօնեաներուն ու լրագրողներուն յանձնած է դիւանագիտական յարաբերութիւններու հաստատման 20-ամեակին առնչութեամբ յատուկ պատրաստուած յուշանուէրներ:

 

 

LEAVE A REPLY

Please enter your comment!
Please enter your name here