“Արմէնիա” Առագաստանաւը Կը Հիացնէ Վենետիկի Սբ. Ղազար Կղզիի Այցելուները

0
174

  “Արմէնիաառագաստանաւը յառաջիկայ ամիսներուն իբրեւէքսփոնադպիտի շարունակէ հանգրուանել Վենետիկի Սբ. Ղազար կղզի: Այս մասին կը տեղեկացնէ Armenpress.am-ը:

 Թէեւ արդէն շուրջ մէկ տարի է, որ նաւը այնտեղ է, այնուամենայնիւ, հետաքրքրութիւնը նաւին նկատմամբ չէ սպառած: “Մեսրոպ Մաշտոցարշաւախումբի ղեկավար Զօրի Բալայեան յայտնած է, թէ դեռ շատեր կուզեն տեսնել ափեր գրաւած առագաստանաւը: “Երբ զբօսաշրջիկները գալիս են, տեսնում են նաւը, շուրջերկրեայ ճանապարհորդութեան երթուղին, զարմանում են եւ հետաքրքրւում մանրամասներով”,- ըսած է Զօրի Բալայեան:

 Առագաստանաւը շուրջ ութ ամիս պիտի մնայ Վենետիկ մինչեւ Հայաստանի մէջ համապատասխան տեղի կառուցումը, որ, ամենայն հաւանականութեամբ, պատրաստ պիտի ըլլայ մէկ տարուան ընթացքին: Զօրի Բալայեանեւս մէկ երթուղի էլ է մտմտում”, բայց իբրեւ իսկական նաւապետ չուզեր բարձրաձայնել

28 Մայիս 2009-ին մեկնարկելով Միջերկրական ծովու Վալենսիա նաւահանգիստէն` “Արմէնիաառագաստանաւը 5 Օգոստոս 2011-ին կրկին մտաւ Միջերկրական ծովու ջուրեր` այդպիսով աւարտելով հայ ժողովուրդի պատմութեան մէջ առաջին շուրջերկրեայ նաւարկութիւնը:

Տուեալ նաւարկութիւնը` Մեսրոպ Մաշտոցի անունը կրող գիտարշաւը, որ նուիրուած էր օտարութեան մէջ հայկական բոլոր պատկանելութիւնները պահպանած հայ մայրերուն, իրագործուեցաւ Հայաստանի Հանրապետութեան եւ Լեռնային Ղարաբաղի Հանրապետութեան դրօշներուն ներքոյ: Նաւարկութեան աւելի երեւելի արդիւնքն էր Հօրն հրուանդանի մատուռին մէջ հայկական խաչին տեղադրումը` ի յիշատակ Երկիր մոլորակի բոլոր անմեղ զոհերու` տասը լեզուներով գրուած ցուցատախտակով: Ողջ նաւարկութիւնը ամբողջութեամբ եւ Հօրն հրուանդանի շրջանցումը, հակառակ շուրջերկրեայ նաւարկութիւններու միջազգային փորձին, իրագործուեցաւ արեւելքէն արեւմուտք ուղղութեամբ: “Արմէնիաառագաստանաւի շուրջերկրեայ նաւարկութիւնը բոլոր հինգ աշխարհամասերուն մէջ նախապէս եւ ներկայիս տարածուած համաշխարհային հայ Սփիւռքի ճամբաներով ու վայրերով, կուղեկցուէր հայկական պատմական եւ արդի բոլոր յուշարձաններուն վերաբերեալ ողջ տեղեկատւութեան անընդմէջ հաւաքմամբ:

LEAVE A REPLY

Please enter your comment!
Please enter your name here