Թուրքիոյ Մէջ Կը Փորձեն Խոչընդոտել Տերսիմի Ցեղասպանութեան Յուշարձանի Կառուցման

0
135

  1937-38-ին տեղի ունեցած Տերսիմի ցեղասպանութեան զոհերու յիշատակին նուիրուած յուշարձանին շինարարութիւնը դադրեցուած է` նահանգապետարանի պահանջով:
Մազկերտի քաղաքապետ Թեքին Թուրքիլը յայտարարած է, թէ ամէն ինչ պիտի ընէ մինչեւ Նոյեմբեր 17 յուշարձանը բանալու համար: 

Քըրքլար լեռը, որուն մօտակայքը կը կառուցուի յուշարձանը, պատահական չէ ընտրուած:

“1938-ին շրջակայ գիւղերէն բազմաթիւ երիտասարդներ, ծերեր, կանայք, տղամարդիկ, երեխաներ, հարիւրաւոր մարդիկ գնդակահարուած են այդ իսկ վայրին մէջ: Այստեղ են անոնց ոսկորները”,- ըսած է Թուրքիլ:
Ան նշած է, որ նոյնը տեղի ունեցած է Տերսիմի բազմաթիւ վայրերու մէջ, սակայն Քըրքլար լեռը յուշարձանին համար լաւագոյն վայրն էր:

 Յուշարձանը կառուցելու ընթացքին չէ եղած որեւէ խոչընդոտ, սակայն այժմ, երբ անիկա գրեթէ պատրաստ է, նահանգապետարանը կ’ուզէ դադրեցնել շինարարութիւնը` պատճառաբանութեամբ, թէ անիկա կը կառուցուի առանց թոյլտուութեան, այն ալ` պետութեան պատկանող հողատարածքին մէջ:
Քաղաքապետը, սակայն, չընդունիր այդ որոշումը: «Երբ մեր պապերը այստեղ կը գնդակահարէին, ոչ մէկը փորձեց պաշտպանել անոնց իրաւունքները: Այս հողերը մեր պապերունն են, եւ այդ յուշարձանը 17 Նոյեմբերին պէտք է պատրաստ ըլլայ»,- ըսած է ան:

LEAVE A REPLY

Please enter your comment!
Please enter your name here