Հայաստանի Մէջ Տօնուեցաւ ՄԱԿ-ի Հիմնադրման 67-Ամեակը եւ Հայաստանի Հետ Գործակցութեան 20 Տարին

0
149

  Հայաստանի մէջ այսօր նշուած է ՄԱԿ-ի հիմնադրման 67-ամեակը եւ Հայաստանի հետ գործակցութեան 20 տարին: ՄԱԿ-ի գլխաւոր քարտուղար Պան Քի Մուն այս առումով յղած իր ուղերձին մէջ նշած է, որ ծայրայեղ աղքատութիւնը աշխարհի մէջ 2000-էն ի վեր կրճատուած է կէս չափով:

«Մենք պէտք է պատրաստենք զարգացման յստակ եւ գործնական օրակարգ 2015–ին յաջորդող ժամանակներուն համար: Պէտք է շարունակենք պայքարիլ անհանդուրժողականութեան դէմ, փրկենք հակամարտութիւններու մէջ ներգրաւուած մարդոց եւ հաստատենք տեւական խաղաղութիւն»,- նշուած էր ուղերձին մէջ:

ՄԱԿ-ի մշտական համակարգող, ՄԱԶԾ մշտական ներկայացուցիչ Տաֆինա Կերչեւա Հոկտեմբեր 23-ին կազմակերպուած ձեռնարկի ժամանակ ընդգծեց, որ ռազմավարական համագործակցութիւնը ՀՀ կառավարութեան, մասնաւոր հատուածի, գիտակրթական ոլորտի, քաղաքացիական հասարակութեան հետ նպատակ ունի օգնելու եւ ցոյց տալու անկողմնակալ աջակցողի եւ խթանողի դերը դէպի գործուն ժողովրդավարութիւն եւ շուկայական տնտեսութիւն Հայաստանի անցման փուլին:

“Մեր գործակցութեան 20 տարիներուն ընթացքին` մենք նպաստած ենք երկրի զարգացման նպատակներու իրագործման` օրէնսդրական բարեփոխումներու, հասարակական կապերու եւ երկրի դիմակայունութեան ամրապնդման միջոցով”,- նշած է ան:

Արտաքին գործերու փոխնախարար Աշոտ Յովակիմեանի խօսքով` ՄԱԿ-ի աշխատանքը կը հասնի Հայաստանի բոլոր անկիւններ, կը նպաստէ երկրի բարեկեցութեան: “Այս տարի ՄԱԿ-ի տարին է, նաեւ լրացաւ ՄԱԿ-ի եւ Հայաստանի համագործակցութեան 20 տարին”,- ասաց նա:

Ձեռնարկի ընթացքին ներկայացուած է “Հայփոստ”-ի կողմէ թողարկուած ՄԱԿ-ի փոստային յատուկ նամականիշը: Բացուած է նաեւ լուսանկարչական ցուցահանդէս, որուն նպատակն էր բարձրացնել հանրային իրազեկուածութեան մակարդակը ՄԱԿ-ի արժէքներուն վերաբերեալ: Ցուցահանդէսը ապագային պիտի շրջի երկրի ամբողջ տարածքին: Ձեռնարկի ընթացքին ՄԱԿ-ի աշխատանքներու լուսաբանման համար մրցանակներու արժանացած են շարք մը լրատուամիջոցներ:

 

LEAVE A REPLY

Please enter your comment!
Please enter your name here