Հայաստանցի Աշակերտները Մետալներ Բերած են Հարաւային Քորէայի Աստղագիտութեան Միջազգային Ողիմպիականէն

0
173

  Հարաւային Քորէայի մէջ իրականացուող Աստղագիտութեան միջազգային ողիմպիականին հայաստանցի աշակերտները արձանագրած են փայլուն արդիւնքներ: Այս մասին իր Facebook-ի էջին մէջ արձանագրութիւն կատարած է ՀՀ կրթութեան եւ գիտութեան նախարար Արմէն Աշոտեանը: “Հենց նոր ուրախալի լուր ստացայ Հարաւային Կորէայից, որտեղ անց էր կացւում Աստղագիտութեան միջազգային օլիմպիադան: մեր աշակերտները փայլուն են հանդէս եկել` նուաճելով 1 ոսկէ, 1 արծաթէ եւ 2 պրոնզէ մետալ: Հրաշալի արդիւնք: Շնորհաւորում եմ բոլորիս եւ շնորհակալութիւն եմ յայտնում մեր երեխաներին Հայաստանի անունը բարձր պահելու համար”,- գրած է նախարարը:

Հարաւային Քորէայի Կուանճու քաղաքին մէջ Հոկտեմբեր 16-24 իրականացուող աստղագիտութեան միջազգային ողիմպիականին կը մասնակցին Երեւանի մէջ կայացած ԱՊՀ երկիրներու աստղագիտական ողիմպիականին յաղթած հայ պատանիները:

Հայկական աստղագիտական ընկերութեան տեղեկացմամբ` մինչ այդ եւս մեր ողիմպիականները գերազանց արդիւնքներ արձանագրած են միջազգային Ողիմպիականներուն` ընդհանուր առմամբ նուաճելով 7 ոսկէ, 4 արծաթէ եւ 13 պրոնզէ մետալ: Մեր խումբը կրցած է նաեւ խմբային հաշուարկով դառնալ լաւագոյն հաւաքականներէն մէկը ողիմպիականներու 16-ամեայ պատմութեան ընթացքին:

 

LEAVE A REPLY

Please enter your comment!
Please enter your name here