Հասարակական Գործիչներ Կ’առաջարկեն Սուրիահայութեան Աջակցութեան Գործակալութիւն Ստեղծել

0
154

  Հայրենադարձութեան եւ սուրիահայերու աջակցման նախաձեռնող խումբը կ’առաջարկէ ստեղծել այս պահուն սուրիահայերու աջակցութեան, բայց ընդհանրապէս հայրենադարձութեան գործակալութիւն: Այս մասին, ըստ Panorama.am-ի, այսօրուան ասուլիսին յայտարարած է նախաձեռնող խումբի անդամ, հասարակական գործիչ Կարինէ Յակոբեան:

Ան նշած, որ թէեւ Հայաստանի իշխանութիւնները տարբեր ծրագրեր կ’իրագործեն սուրիահայերուն աջակցելու համար, բայց անոնց գործունէութիւնը պէտք է նպաստէ հայրենադարձութեան: «Միգուցէ շատերի համար անհասկանալի թուա արտագաղթի ֆօնին խօսել հայրենադարձութեան մասին, բայց այդ երկու գործընթացները փոխկապակցուած են»,- ըսած է Կ. Յակոբեան: Ան նաեւ նշած է, որ պէտք է մշակել ծրագիր` զանոնք հայրենի հողին կապելու: Իբրեւ օրինակ ան նշած է` այն հայրենադարձները, որոնքտ նոր գործ կ’ուզեն սկսիլ Հայաստանի մէջ, յառաջիկայ երկու տարիներուն ընթացքին ազատել հարկային քաղաքականութենէ եւ այլն:

Նախաձեռնող խումբը նաեւ կ’առաջարկէ, որ յառաջիկային կայանալիք «Հայաստան» համահայկական հիմնադրամի կազմակերպած մարաթօնին ընթացքին հաւաքուած ամբողջ գումարը ուղղել սուրիահայութեան խնդիրներու լուծման` ուղղակի Հայաստանի մէջ, անոնց համար այստեղ գնել տուներ, ապահովել կեցութեան պայմանները:

Ասուլիսին ներկայ արտաքին գործոց նախկին փոխնախարար Արման Նաւասարդեան, իր հերթին ըսած է, որ Սուրիոյ մէջ տիրող իրավիճակը դեռ երկար պիտի շարունակուի ու յայտնի չէ, թէ այնուհետեւ ալ որ երկրի մէջ նման ալիք պիտի բարձրանայ: Ըստ անոր, այն, ինչ կը կատարուի Սուրիոյ մէջ, ԱՄՆ-ի նախաձեռնած արաբական գարնան շարունակութիւնն է ու յայտնի չէ, թէ ով պիտի ըլլայ յաջորդ զոհը:

LEAVE A REPLY

Please enter your comment!
Please enter your name here