ՀԲԸՄ Ընդհանուր Ժողովի Մասնակիցները 250.000 ԱՄՆ Տոլար Հանգանակած են Սուրիահայերու Կարիքներուն Համար

0
129

Հայկական բարեգործական ընդհանուր միութեան` Հայաստանի մէջ Հոկտեմբեր 14-21 կայացած 87-րդ ընդհանուր ժողովի աւարտին տեղի ունեցած հրաժեշտի ձեռնարկի ընթացքին, ընդառաջելով սիրիահայերու առաջնային կարիքները հոգալու նպատակով հանգանակութիւն կազմակերպելու կոչին, աշխարհի տարբեր երկիրներէ ժամանած միութեան պատուիրակներու եւ հիւրերու կատարած նուիրատւութիւններուն շնորհիւ հանգանակուած է 250.000 ԱՄՆ տոլար ի նպաստ սուրիահայութեան օգնութեան ֆոնտին: Այս մասին, ըստ Armenpress.am-ի, տեղեկացուցած են ՀԲԸՄ-էն:

ՀԲԸՄ-ի Կեդրոնական վարչական ժողովին որոշումով` մէկ միլիոն ԱՄՆ տոլարի շտապ օժանդակութեան պահեստի գումար առանձնացուած էր սուրիահայութեան կարիքներուն համար: Աւելի ուշ, ՀԲԸՄ-ը կոչով դիմած էր սփիւռքահայութեան` զանգուածային ու անյապաղ օգնութեան ձեռք մեկնելու սուրիահայ հայրենակիցներուն: Նուիրատւութիւններ կատարելու ՀԲԸՄ-ի կոչին ընդառաջած են բազմաթիւ հայրենակիցներ:

Համադրելով իր աշխատանքները Սուրիահայ Շտապ օգնութեան մարմինին հետ, որ կը համախմբէ համայնքի բոլոր հայկական կազմակերպութիւնները, Սուրիոյ մեր կեդրոններուն մէջ կը կազմակերպուին մարդասիրական օգնութեան աշխատանքներ: Իբրեւ յաւելում սուրիահայութեան տեղւոյն վրայ մարդասիրական օգնութիւն հասցնելու շարունակուող ծրագիրին, ՀԲԸՄ-ը, ՀՀ սփիւռքի նախարարութեան հետ կը համադրէ իր աշխատանքները Հայաստանի մէջ սուրիահայերու հիմնախնդիրները համակարգող հասարակական կազմակերպութեան ծիրէն ներս:

Միութեան տրամադրած տարածքին կը գործէ «Սուրիահայերու հիմնախնդիրները համակարգող կեդրոն» հասարակական կազմակերպութիւնը: Հայաստանի մէջ ապաստանած սուրիահայերը ամէն օր կ’այցելեն կեդրոն, ուր հնարաւորութիւն կ’ունենան հաւաքներ իրականացնելու, ճանաչողական հանդիպումներ ունենալու, ինչպէս նաեւ իրենց յուզող հարցեր քննարկելու: Կարիքաւոր ընտանիքներուն կը տրամադրուի նաեւ անհրաժեշտ նիւթական օգնութիւն:

LEAVE A REPLY

Please enter your comment!
Please enter your name here