Մասնագէտները Դէմ են Օտար Տարրերով, Յօրինուած Բառերով եւ Անճաշակ Գովազդին

0
174

  Հայկական հեռուստաեթերի վրայ կարելի է հանդիպիլ գրագէտ հայերէնով գովազդներու, սակայն կան նաեւ փողոցային լեզուով հնչողները: Այս մասին, ըստ Armenpress.am-ի, Հոկտեմբեր 23-ին հրաւիրուած ասուլիսին ըսած է լեզուաբան Դաւիթ Գիւրջինեան: Անոր կարծիքով` սխալ է, երբ արտասահմանեան գովազդները չեն թարգմանուիր` փոխարէնը տողատակով կը մատուցուի հայերէնը: «Այսօր շատ են փողոցային բառերով, ինչ-որ նոր բառեր յօրինած բառապաշարով գովազդները: Դրանք անճաշակ են ու վնաս են հասցնում հայոց լեզուին: Մենք, իբրեւ հասարակութիւն, պէտք է մերժենք այդպիսի գովազդները, եւ գովազդատուները իրենք պէտք է խիստ լինեն իրենց արտադրանքի նկատմամբ»,- ըսած է  Գիւրջինեան` աւելցնելով, որ գովազդային շուկային մէջ դեռ հսկայական ընելիք կայ:

Լեզուաբանին կարծիքով` գովազդի մէջ կան լեզուական խայտառակ խախտումներ, որ կը յարուցէ յատկապէս ուսուցիչներու դժգոհութիւնը, քանի որ հեռուստատեսութիւնը կը քարոզէ սխալ խօսք եւ բառապաշար:

Հոգեբան Սամուէլ Խուդոյեան, իր հերթին նշած է, որ համեմատած տասը տարի առաջուան հետ` այսօր հայկական գովազդի շուկային մէջ կան բարձրորակ գովազդներ, սակայն յաճախ հաշուի չեն առնուիր հոգեբանական նրբութիւնները: «Իհարկէ կան գովազդներ, որոնք լաւ են մտածուած: Օրինակ` կան մսամթերքի գովազդներ, որտեղ շատ մանրամասն բացատրւում են մսամթերքի օգտագործման դրական կողմերը, դրա պատրաստման ձեւերը եւ միայն վերջում տեղեկացնում, թէ որ մսամթերքի մասին է խօսւում: Ամենաազդեցիկ գովազդներն այսօր անուղղակի գովազդներն են»,- ըսած է հոգեբանը:

Վերջինս, անդրադառնալով հասարակական գովազդին, նշած է, որ անոնք գրեթէ կը  բացակային մեր եթերէն, հակառակ անոր, որ կրնան իբրեւ ներշնչող զէնք ծառայել: «Գովազդը ներշնչանք է: Երբ օտար երանգ է լինում, աւելի քիչ է ազդեցութիւնը: Մի տեսակ մերը չէ, մեր կենցաղից ու ապրելակերպից չէ»,- նշած է հոգեբանը:

Ան վստահեցուցած է, որ չկան գովազդներ, որոնք մեր երեխաներուն, մեր հասարակութեան առողջ ապրելակերպ քարոզեն, հայրենասիրութիւն եւ այլն: Մինչ նման գովազդները կարելի է իբրեւ հզօր գործիք օգտագործել:

Տեղական արտադրութեան գովազդներուն մէջ հոգեբանը զգալիօրէն բացասական կը  համարէ եւրոպական տարրերու առկայութիւնը: Ան վնասակար գովազդ կը համարէ քաղցրաւենիքի գովազդը` բացատրելով, որ անոնք բոլորը պատրաստուած են շաքարէն, որ վտանգաւոր է առողջութեան: Հետեւաբար պէտք է արգիլուի ծխախոտի եւ ալքոհոլի նման:

LEAVE A REPLY

Please enter your comment!
Please enter your name here