Ախալքալաքի Մէջ Կիրակնօրեայ Դպրոց Կը Գործէ

0
271

Հայաստանի երիտասարդական հիմնադրամի աջակցութեամբ «Ապուլ» հասարակական կազմակերպութիւնը Ախալքալաքի մէջ Ջաւախքի ընդհանուր առաջնորդական փոխանորդութեան հովանիին տակ Հոկտեմբեր 1-էն կ’իրականացնէ «Կիրակնօրեայ դպրոց» ծրագիրը: Այս մասին կը յայտնէ PanARMENIAN.Net-ը վկայակոչելով Հայաստանի երիտասարդական հիմնադրամի հասարակայնութեան հետ կապերու եւ լրատուութեան վարչութիւնը:

Դպրոցը կը գործէ Շաբաթ եւ Կիրակի օրերուն, իւրաքանչիւր դասաժամ կը տեւէ 40 վայրկեան: Այստեղ կ’այցելեն հիմնականօրէն տնտեսապէս անապահով ընտանիքներու երեխաներ, որոնք արտադասարանական կրթութիւնը, իրենց առօրեան որեւէ ձեւով կազմակերպելու հնարաւորութիւն չունին:

Ծրագիրին նպատակներէն է ջաւախահայ երեխաներուն հաղորդակից դարձնել Հայ առաքելական եկեղեցիին եւ անոր դարաւոր աւանդոյթներուն, հզօրացնել եկեղեցասէր համայնքը, ինչպէս նաեւ պայքարիլ աղանդներու դէմ: Կիրակնօրեայ դպրոցին մէջ կը դասաւանդուին կրօնագիտութիւն, եկեղեցւոյ պատմութիւն, հոգեւոր երաժշտութիւն, տօնագիտութիւն եւ այլ առարկաներ:

Դասերը կ’իրականացուին գորեն գործնական մեթոտներով` համեմուած տարբեր խաղերով, որոնք կը պարունակեն տրամաբանութիւնը, յիշողութիւնը զարգացնող տարրեր: Կը կազմակերպուին ճանաչողական բնոյթի արտադասարանային պտոյտներ, որոնց շնորհիւ դպրոցի սաները կը ծանօթանան Ջաւախքի պատմամշակութային արժէքներուն հետ: Պարբերաբար տեղի կ’ունենան շարժանկարի դիտումներ` հոգեւոր-մշակութային, ազգային եւ դաստիարակչական թեմաներով:

LEAVE A REPLY

Please enter your comment!
Please enter your name here