Սուրիոյ Մէջ Քրտական Ինքնավար Շրջանի Մը Ծրագի՞ր

0
130

 Լաւատեղեակ աղբիւրներ սէուտական «Օքազ» թերթին յայտնած են, թէ Միացեալ Նահանգներ Սուրիոյ մէջ քրտական ինքնավար շրջանի մը ստեղծումի գաղափարին չեն առարկած, սակայն զգուշացուցած են Սուրիոյ մասնատումէն՝ նշելով, որ «ատիկա շրջանին մէջ ամերիկեան քաղաքականութեան համար կարմիր գիծ է»:
Աղբիւրները օրաթերթին յայտնած են, որ անցեալ ամիս Իրաքի քրտական շրջանին մէջ տեղի ունեցած է Քրտական ազգային խորհուրդին եւ ամերիկեան կողմին միջեւ հանդիպում մը՝ մասնակցութեամբ Սուրիոյ քրտական շրջաններէ ներկայացուցիչներու. ընթացքին ամերիկեան վարչակարգը մտահոգութիւն յայտնած է Սուրիոյ մէջ Քիւրտիստանի Աշխատաւորական Կուսակցութեան ազդեցութեան աճին նկատմամբ, իսկ աջակցութիւն յայտնած է Սուրիոյ մէջ դաշնակցային դրութեան հաստատման գաղափարին:
Աղբիւրներ կը նշեն, որ Սուրիոյ քիւրտերը կը ձգտին քաղաքական ապակեդրոնացման եւ ինքնորոշման իրաւունքի կիրարկման՝ ըստ ՄԱԿ-ի օրէնքներուն: Սուրիացի քիւրտերը քաղաքական ապակեդրոնացման առաջարկը ներկայացուցած են ամերիկեան եւ թրքական կողմերուն, սակայն վերջիններս յաւելեալ բացատրութիւններ պահանջած են, «բան մը, զոր քրտական կողմերը մեծ ուշադրութեամբ կը սերտեն»:

Միւս կողմէ, Չերքեզներու միջազգային միութեան 9-րդ ընդհանուր ժողովին մասնակիցները Ռուսիոյ նախագահ Վլատիմիր Փութինի, ինչպէս նաեւ Ռուսիոյ խորհրդարանին ու Դաշնակցային խորհուրդի նախագահներուն յղեցին նամակ մը՝ կոչ ուղղելով Սուրիոյ մէջ բնակող չերքեզները պաշտպանելու եւ օգնելու, որպէսզի փափաքողները Հիւսիսային Կովկասի մէջ գտնուող իրենց հայրենիքը վերադառնան: Կոչին մէջ նշուած է, որ Սուրիոյ տարբեր քաղաքներու մէջ տեղի ունեցող բախումներուն պատճառով, հոն բնակող շուրջ 150 հազար չերքեզներու շարքին վիրաւորներ արձանագրուած են եւ անոնցմէ շատեր իրենց բնակարաններն ու ինչքերը կորսնցուցած են:

LEAVE A REPLY

Please enter your comment!
Please enter your name here