Տինքի Սպանութեան Վերաբերեալ` Նորութիւններ

0
120

Պոլսոյ մէջ լոյս տեսնող հայկական “Ակօս” շաբաթաթերթի նախկին գլխաւոր խմբագիր Հրանդ Տինքի սպանութեան վերաբերեալ Թուրքիոյ մէջ ի յայտ կու գան նոր բացայայտումներ: Այս մասին կը յայտնէ Armenpress.am-ը` վկայակոչելով թրքական Radikal պարբերականը:

Գործին առնչութեամբ պարզուած են նոր մանրամասներ, որոնց համաձայն` Տինքի սպանութիւնը եւ “Զիրուէ” հրատարակչութեան մէջ տեղի ունեցած յանցագործութիւնը իրագործողներուն միջեւ կապ կայ:

Տինքի ընտանիքի իրաւապաշտպան Հաքան Պաքըրճըօղլու պահանջած է, որ հետաքննութեան մասնակցին ոչ միայն ոստիկանները, այլեւ Պոլսոյ Անվտանգութեան եւ Հետախուզութեան վարչութիւնները, ինչպէս նաեւ Ազգային հետախուզական վարչութիւնը:

Դատախազ Սաւճը Աքքաշ յայտած է, որ ներկայիս իրենք կը սպասեն յատուկ փաստաթուղթի` դատական երկու գործ իրար կապելու իրաւունք ստանալու եւ նոր հետաքննութիւն սկսելու նպատակով:

18 Ապրիլ 2007-ին Մալաթիայի “Զիրուէ” հրատարակչատուն ներխուժած էին իսլամիստ հինգ մոլագարներ եւ սպաննած էին Աստուածաշունչ տպագրող երեք քրիստոնեայ, որոնց երկուքը թուրք էին, մէկը` գերմանացի:

LEAVE A REPLY

Please enter your comment!
Please enter your name here