Հայաստանի Լրագրողները Կը Ծանօթանան ԼՂՀ Պաշտպանութեան Բանակի Կեանքին

0
140

Լեռնային Ղարաբաղի Հանրապետութեան Պաշպանութեան բանակի հարաւարեւելեան ուղղութեամբ տեղակայուած զօրամասերէն մէկուն մէջ կատարուած շրջայցէն ետք` ՀՀ-էն մեկնած շուրջ երեք տասնեակ լրագրողներ հանդիպած են ԼՂՀ ՊՆ, ՊԲ հրամանատար, զօրավար-հրամանատար Մովսէս Յակոբեանի հետ: Այս մասին կը յայտնեն Պաշտպանութեան բանակի լրատւութեան եւ քարոզչութեան բաժանմունքէն:

Հանդիպման ընթացքին բանակի հրամանատարը նախ լրագրողներուն ներկայացուցած է Արցախի զինուած ուժերուն մէջ իրականացուող գործընթացներու համառօտ բովանդակութեան, այնուհետեւ` պատասխանած անոնց հետաքրքրող հարցերուն: Շուրջ մէկ ժամ տեւած հարց ու պատասխանին ընթացքին արծարծուած են ինչպէս բանակաշինութեան տարբեր ոլորտներուն վերաբերող թեմաներ, այնպէս ալ տարածաշրջանային ռազմաքաղաքական ընթացիկ զարգացումներուն առնչուող խնդիրներ: Բաւական ջերմ ու անկեղծ մթնոլորտի մէջ ծաւալած ասուլիսին իբրեւ արդիւնք` լրագրողները հնարաւորութիւն ունեցած են զօրամասի մշտական տեղակայման վայրին եւ առաջնային գիծին վրայ ստացած իրենց տպաւորութիւնները ամրապնդելու` ԼՂՀ պաշտպանութեան նախարարին կողմէ իւրաքանչիւր հարցի շուրջ տրուած սպառիչ պատասխաններով:

 

LEAVE A REPLY

Please enter your comment!
Please enter your name here