Հայաստանի Մէջ Դեղերու եւ Սնունդի Փորձաքննութեան Վերժամանակակից Տարրալուծարան Պիտի Բացուի

0
165

ՀՀ Կոտայքի մարզի Նոր Գիւղ համայնքին մէջ մինչեւ տարեւերջ պիտի բացուի “Տոնուս-Լես” ընկերութեան դեղերու եւ սնունդի փորձաքննութեան գերժամանակակից տարրալուծարան: Այս մասին կը հաղորդէ News.am-ը: Վայրը ընտրուած է` հաշուի առնելով ե’ւ բնապահպանական չափանիշները, ե’ւ Երեւանին մօտիկ ըլլալը:

Տարրալուծարանը եզակի է Հայաստանի մէջ, քանի որ զինուած է գերմանական, զուիցերիական, իսրայէլական ժամանակակից գերզգայուն սարքերով, որոնք կը համապատասխանեն GLP (Good Laboratory Praktice) չափանիշներուն: Բացի այդ` ասիկա միակ տարրալուծարանն է Հայաստանի մէջ, ուր կեդրոնացած են սնունդի, դեղերու, ծխախոտի փորձաքննութեան (նաեւ` դեղերու կենսահամարժէքութեան փորձաքննութեան) գործառոյթներ: Ըստ «Տոնուս-Լես» ընկերութեան նախագահ Լեւոն Յակոբեանի` ներկայիս աշխատանքներ կը տարուին ISO 17 025 հաւաստագիր ստանալու համար, իսկ ատիկա կը նշանակէ, որ միջազգային մակարդվակով հայկական տարրալուծարանի փորձաքննութեան արդիւնքները ճանաչելի պիտի ըլլան:

Տարրալուծարանը կառուցուած է ՀՀ կառավարութեան աջակցութեամբ` 2010-ին «Տոնուս-Լես» ընկերութիւնը աւելցուած արժէքի հարկի վճարման տարկէտում ստացած է երեք տարիով` ներկրելով մօտ 470 միլիոն դրամի սարքեր: Ներդրումաին ծրագրի ընդհանուր արժէքը կը կազմէ 1,3 միլիառ դրամ: Պատահական չէ, որ ՀՀ վարչապետ Տիգրան Սարգսեան` տնտեսութեան եւ առողջապահութեան նախարարներու ուղեկցութեամբ այսօր այցելած է այդ տարրալուծարանը:

Նշենք, որ Հայաստանի մէջ ներկայիս կը գործէ 94 հաւաստագրուած տարրալուծարան, որոնց 23-ը սնունդի, 20-ը` խմիչքներու: Սակայն անոնց մեծ մասը փորձաքննութեան պատշաճ պայմաններ չ’ապահովեր:

LEAVE A REPLY

Please enter your comment!
Please enter your name here