Հատուցում Սաֆարովի համա՞ր: Հունգարիան Կը Ցանկանայ Կազ Ներմուծել Ատրպէյճանէն

0
128

Հունգարիա կը ցանկանայ կազ ներմուծել Ատրպէյճանէն եւ Վրաստանէն: Այդ մասին կը հաղորդէ panarmenian.net կայքը վկայակոչելով Handelsblatt թերթը, որ հարցազրոյց կատարած է Հունգարիոյ վարչապետ Վիքթոր Օրպանի հետ:

«Nabucco-ն հետաքրքրուած չէ մեզմով: Մենք կը ցանկանայինք կազ ներկրել Ատրպէյճանէն: Մենք շահագրգռուած ենք նաեւ Վրաստանէն հեղուկ կազ ստանալու համար»,- յայտարարած է Վիքթոր Օրպան:

«Կարելի չէ յենիլ Հունգարիոյ ուժանիւթի վերականգնուած տեսակներուն վրայ, բացառութեամբ երկրաջերմական (geothermal) ուժանիւթի, չէ որ մենք ունինք մեծ քանակութեամբ տաք աղբիւրներ: Մեր տնտեսութիւններու 85 տոկոսը ջեռուցման համար կ’օգտագործեն կազ, որ մինչեւ հիմա կ’առաքուէր Ռուսաստանէն: Ես խոստացած եմ ազատել Հունգարիան այդ կախուածութենէն: Շուտով մենք կը սկսինք կազ ստանալ Եւրոպայի հիւսիսէն՝ Սլովաքիոյ տարածքով»,- ըսած է վարչապետը:

19 Փետրուար 2004-ին սպայ Գուրգէն Մարգարեանը Պուտափեշտի մէջ գազանաբար կացինահարուեցաւ ատրպէյճանցի սպայ Ռամիլ Սաֆարովի կողմէ: Երկուքն ալ Պուտափեշտի մէջ կը մասնակցէին ՆԱԹՕ-ի «Գործընկերութիւն յանուն խաղաղութեան» ծրագրի ծիրէն ներս կազմակերպուած անգլերէն լեզուի դասընթացներուն:

13 Ապրիլ 2006-ին մարդասպանը Պուտափեշտի մէջ դատապարտուեցաւ ցմահ բանտարկութեան` 30 տարուան ընթացքին առանց ներման իրաւունքի: Օգոստոս 31-ին Հունգարիան արտայանձնեց Սաֆարովը Ատրպէյճանին, ուր անոր անյապաղ ներում շնորհուեցաւ: Հայաստան խզեց դիւանագիտական յարաբերութիւնները Հունգարիոյ հետ:

Ըստ որոշ աղբիւրներու՝ Սաֆարովի արտայանձնումը իրականացուած է Ատրպէյճանի կողմէ Հունգարիոյ տրամադրուելիք 2-3 միլիոն եուրոյի դիմաց: Հունգարական կողմը կը հերքէ այս յայտարարութիւնները:

LEAVE A REPLY

Please enter your comment!
Please enter your name here