Յարգանքի Տուրք` Հոկտեմբեր 27-ի ոճրագործութեան Զոհերու Յիշատակին

0
129

  Տասներեք տարի առաջ Հոկտեմբեր 27-ին Ազգային ժողովի նիստերու դահլիճին մէջ ոճրագործութեան զոհ դարձան ՀՀ ԱԺ նախագահ, Ազգային հերոս Կարէն Տէմիրճեանը, վարչապետ, Ազգային հերոս Վազգէն Սարգսեանը, ԱԺ փոխնախագահներ Եուրի Բախշեանը, Ռուբէն Միրոյեանը, Արցախեան ազատամարտի հերոս, պատգամաւոր Արմէնակ Արմէնակեանը, պատգամաւորներ Միքայէլ Քոթանեանը, Հենրիկ Աբրահամեանը եւ նախարար Լէոնարտ Պետրոսեանը: Այս մասին կը հաղորդէ ՀՀ ԱԺ լրատուութեան բաժինը:

Մեր պետականութեան կայացման գործին մէջ անոնց կատարածը, մեծ ներդրումն ու նուիրումը անմոռանալի եւ ուսանելի են:

Այսօր` Հոկտեմբերի 27-ին, ՀՀ ԱԺ նախագահ Յովիկ Աբրահամեան, պատգամաւորներ, զոհուածներու հարազատներ, ԱԺ աշխատակազմի ներկայացուցիչներ, խորհրդարանին մէջ հաւատարմագրուած լրագրողներ ծաղիկներ դրին ոճրագործութեան զոհերու յիշատակը յաւերժացնող յուշակոթողին, լռութեամբ ու խոնարհումով յարգեցին անոնց յիշատակը:

«Այսօր հաւաքուել ենք յարգանքի տուրք մատուցելու մեր պետական ու քաղաքական գործիչներին: Սա ոճրագործութիւն էր ազգի, պետութեա՛ն նկատմամբ: Աժ-ի անունից դատապարտում եմ այս ոճրագործութիւնը եւ ցաւ ապրում մեր գործիչների կորստի համար»,- լրագրողներուն ըսած է ՀՀ Ազգային ժողովի նախագահ Յովիկ Աբրահամեան:

Ազգային հերոս Կարէն Տէմիրճեանի այրին` տիկին Ռիմա Տէմիրճեան, շնորհակալութիւն յայտնած է խորհրդարանի ղեկավար Յովիկ Աբրահամեանին` ոճրագործութեան զոհերու յիշատակը անմար պահելու, Ազգային ժողովին մէջ ամէն տարի յիշատակի արարողութիւն կազմակերպելու համար:

LEAVE A REPLY

Please enter your comment!
Please enter your name here