Սեռերու Իրաւահաւասարութեամբ՝ Հայաստանը Աշխարհի 92-րդ Երկիրն Է

0
155

 Համաշխարհային տնտեսական ֆորումը հրապարակած է «Աշխարհի մէջ սեռերու իրաւահաւասարութեան աղիւսակ- 2012»-ը, ուր Հայաստանը 92-րդն է:
Հետազօտութիւնը ներառած է աշխարհի 135 երկիր, ուր կ’ապրի մոլորակի բնակչութեան 90 տոկոսը:
Հաշուարկներուն համար նկատի առնուած են 14 տարբեր ցուցանիշներ  չորս  հիմնական ոլորտներու մէջ` տնտեսութեան մասնակցութիւնը  եւ հնարաւորութիւնները, կրթութիւնը, առողջութիւնը եւ կենսունակութիւնը,   քաղաքական իրաւունքները եւ հնարաւորութիւնները:

Ցուցակը կը գլխաւորէ իսլանտիան: Առաջին տասնեակին մէջ են՝ Ֆինլանտան, Նորվեկիան, Շուէտը, Իրլանտան, Նոր Զելանտան, Դանիան, Ֆիլիփինները, Նիքարակուան եւ Զուիցերիան:

ԱՄՆ-ն 22-րդն է, Ռուսաստանը` 59-րդը, Չինաստանը` 69-րդը:

Մեր տարածաշրջանին մէջ Ատրպէյճանը 99-րդն է, Վրաստանը 85-րդը:         Իրանը 127-րդը,Թուրքիան` 124րդը: Ցուցակը կ’եզրափակեն Սէուտական Արաբիան, Սուրիան,  Չատը, Փաքիստանը եւ Եմենը:
Ուսումնասիրութիւնը կ’իրականացուի 2006-էն ի վեր: Հայաստանը ներառուած է 2007-էն  եւ սկզբնապէս զբաղեցուցած է                       70-րդ հորիզոնականը:

 

LEAVE A REPLY

Please enter your comment!
Please enter your name here