Սուրիոյ Մէջ Արիւնոտ Հրադադար…

0
138

  Դամասկոսի հարաւային Դեֆ Ալ Շոուք թաղամասի մանկապարտէզին մօտ տեղի ունեցած պայթումին հետեւանքով 5 մարդ զոհուած է, աւելի քան 30-ը վիրաւոր են: Տուժածներուն մեծ մասը երեխաներ են, որոնք եկած էին` առաւօտեան ձեռնարկին մասնակցելու համար:

Ըստ սուրիական SANA գործակալութեան` այս ահաբեկչուկան արարքը Ատհայի տօնի տօնակատարութեան ընթացքին հրադադարի պայմանաւորուածութեան ուղիղ խախտում է:

Ահաբեկչութիւն տեղի ունեցած է նաեւ Տերաայի մէջ: Զոհուած է 3, վիրաւորուած` 11 մարդ: Գրոհայիններու թիրախը եղած է սուրիական բանակի պահակակէտը, որ տեղակայուած է հեռահաղորդակցութեան ընկերութեան գրասենեակին մօտ: Շէնքին մէջ հրդեհ բռնկած է. Կը տեղեկացնէ ԻԹԱՌ ԹԱՍՍ-ը:

Ապստամբներու այն զինուած խմբաւորումները, որոնք հրաժարած էին հրադադարէն, այսօր Դամասկոսի մօտ յարձակած են զինուորական պարեկախումբին վրայ, Իսկ Դամասկոսէն 8 քմ. հեռու գտնուող Հարասթա բնակավայրին մէջ իրաւապահները ապստամբներէն պաշտպանած են տեղի բնակչութիւնը: Խաղաղ բնակիչներուն վրայ յարձակում եղած է նաեւ Դամասկոսէն 12 քմ. հեռու գտնուող Տումայի մէջ:

Ըստ France Presse-ի` հրադադարին առաջին օրը զոհուած են 21 խաղաղ բնակիչներ, 27 զինծառայող, 13 ապստամբ: Այնուամենայնիւ, անկախ վերլուծաբանները կը համարեն, որ հրադադարը զգալիօրէն թուլացուցած է զինուած դիմակայութիւնը:

 

LEAVE A REPLY

Please enter your comment!
Please enter your name here