ԱՄՆ-ն Հայաստանի Հետ Սերտ Յարաբերութիւնները Շատ Կարեւոր Կը Համարէ. ԱՄՆ Ռազմածովային Ուժերու Քարտուղար

0
153

Պաշտօնական այցով Հայաստան գտնուող ԱՄՆ ռազմածովային ուժերու քարտուղար Ռէյ Մէյպուսի հետ այսօր կայացած հանդիպման ժամանակ ՀՀ պաշտպանութեան նախարար Սէյրան Օհանեան նշած է, որ երկու պետութիւններուն միջեւ ռազմական համագործակցութիւնը ուժգին կերպով կը զարգանայ, եւ համատեղ աշխատանքները շարունակական պիտի ըլլան նաեւ 2013-ին: Ամերիկեան բարձրաստիճան զինուորականը իր հերթին կարեւորած է սերտ յարաբերութիւնները Հայաստանի հետ, իբրեւ ապացոյց մատնանշելով ԱՄՆ բարձրաստիճան զինուորականներու այցելութիւնները Հայաստան: Այս մասին կը տեղեկանանք ՀՀ ՊՆ տեղեկատուութեան եւ հասարակայնութեան հետ կապերու վարչութեան տարածած հաղորդագրութենէն:
Հոկտեմբեր 28-էն Հայաստան կը գտնուի ԱՄՆ ռազմածովային ուժերու քարտուղար Ռէյ Մէյպուսի գլխաւորած պատուիրակութիւնը: Հոկտեմբերի 29-ին ՀՀ ՊՆ վարչական համալիրին մէջ ՀՀ պաշտպանութեան նախարար Սէյրան Օհանեան հանդիպած է Ռէյ Մէյպուսի հետ: Տեղի ունեցած է արարողակարգային նիստ, որմէ ետք ՀՀ պաշտպանութեան նախարարը եւ ԱՄՆ ռազմածովային ուժերու քարտուղարը մասնակցած են համատեղ համառօտագրութեան:

ՀՀ պաշտպանութեան նախարար Սէյրան Օհանեան շնորհակալութիւն յայտնած ԱՄՆ ռազմածովային ուժերու քարտուղար Ռէյ Մեյպուսին այցելութեան համար եւ ընդգծած 2011-2012 թուականին ռազմական ոլորտին մէջ հայ-ամերիկեան համագործակցութեան աշխոյժ զարգացումը. «Համատեղ համագործակցութեան շրջանակներում տեղի են ունեցել բարձրաստիճան փոխայցելութիւններ եւ խորհրդատուութիւններ: Ինչ վերաբերում է տուեալ այցին, ապա սա վկայում է այն մասին, որ ՀՀ եւ ԱՄՆ յարաբերութիւնները դրւում են բարձր մակարդակի վրայ եւ դինամիկ զարգացման միտում ունեն: Ռազմական ոլորտում համագործակցութիւնը մենք պայմանականօրէն բաժանել ենք երկու ուղղութիւնների, առաջինը խաղաղապահ կարողութիւնների զարգացումն է, որը բացի խաղաղապահ գործողութիւններից, ենթադրում է նաեւ համագործակցութեան խորացում ռազմաբժշկական ոլորտում, ինչպէս նաեւ մարդասիրական ականազերծման խնդիրների իրականացում:

Երկրորդ ուղղութիւնը պաշտպանական բարեփոխումներն են` յատկապէս ռազմական կրթութեան ոլորտում վերապատրաստման խնդիրների իրականացման, կրտսեր սպայական կազմի պատրաստութեան, արհեստավարժ սերժանտական համակարգի ձեւաւորման եւ, ի հարկէ, մարդկային ներուժի կառավարման համակարգի կատարելագործման ուղղութեամբ, որը իրականացնում ենք նաեւ Ռազմածովային հետեւակի հետ, վերջինս էլ ենթակայ է Ռազմածովային քարտուղարին: Այս ամէնը ցոյց է տալիս, որ մենք դինամիկ կերպով զարգացնում ենք մեր համագործակցութիւնը: Համատեղ աշխատանքները շարունակական են լինելու նաեւ 2013թ.»,- ըսած է  Սէյրան Օհանեան:

Ռէյ Մէյպուս շնորհակալութիւն յայտնելով ջերմ ընդունելութեան համար` նշած է, որ ԱՄՆ անչափ կը կարեւորէ այն սերտ յարաբերութիւնները, որոնց զարգացման վառ ապացոյցն են ԱՄՆ բարձրաստիճան զինուորականներու այցելութիւնները Հայաստան, ինչպէս նաեւ ՀՀ պաշտպանութեան նախարարի այցելութիւնը Միացեալ Նահանգներ. «Ես կ’ուզեմ իմ գովեստի խօսքը յայտնել հայկական խաղաղապահ ուժերուն Քոսովոյի եւ Աֆղանիստանի մէջ իրականացուող աշխատանքներուն համար: Հարկ կը համարեմ նշել, որ ՀՀ պաշտպանութեան նախարարը նաեւ հանդէս կու գայ ՀՀ զինուած ուժերուն մէջ բարեփոխումներ իրականացնելու կարեւոր ծրագիրներով:

Այդ տեսանկիւնէն լուրջ աշխատանքներ կը ձեռնարկուին: Միացեալ Նահանգներու Ռազմածովային ուժերը աշխատած են նախարարութեան հետ ռազմավարական ծրագրաւորման հարցերու շուրջ, ինչպէս նաեւ վերջին երկու տարիներու ընթացքին վարժանքներ իրականացուցած: Կը պատրաստուինք այդ ուղղութեամբ աշխատանքները շարունակել յառաջիկային»,- նշած է Ռէյ Մեյպուս եւ աւելցուցած, որ ԱՄՆ Ծովահետեւակային կորպուսը 2012-ին Սեւծովեան շրջանին մէջ ՀՀ զինուած ուժերը ներգրաւուած է իր վարժանքներուն մէջ:

LEAVE A REPLY

Please enter your comment!
Please enter your name here