ԵԱՀԿ-ի Մինսքի Խումբի Համանախագահները Փարիզի Հանդիպումին Մասին Հաղորդագրութիւն Տարածած Են

0
156

 ԵԱՀԿ-ի Մինսքի խումբի համանախագահները հաղորդագրութիւն տարածած են Հայաստանի եւ Ատրպէյճանի արտաքին գործոց նախարարներ Էտուարտ Նալպանտեանի եւ Էլմար Մամետիարովի հետ Շաբաթ օրը Փարիզի մէջ կայացած հանդիպման վերաբերեալ:

«Համանախագահները ընդգծեցին կողմերուն միջեւ լարուածութիւնը մեղմելու կարեւորութիւնը: Անոնք ներկայացուցին խաղաղ գործընթացը առաջ մղելուն ուղղուած աշխատանքային առաջարկի վերաբերեալ իրենց գաղափարները»,- ըսուած է, մասնաւորապէս, Ռոպըրթ Պրատքէի, Ժաք Ֆորի, Իկոր Փոփովի Ֆորի երէկուան հաղորդագրութեան մէջ, ոը տեղադրուած է ԵԱՀԿ-ի պաշտօնական կայքէջին մէջ:

«Արտաքին գործոց նախարարները վերահաստատեցին խաղաղ կարգաւորման հասնելու նպատակով համանախագահներուն հետ աշխատանքը շարունակելու իրենց վճռականութիւնը: Նախարարները եւ համանախագահները համաձայնեցան շարունակելու այդ գաղափարներու քննարկումը համանախագահներուն` Նոյեմբերին տարածաշրջան կատարելիք այցի ընթացքին», – նշուած է միջնորդներու հաղորդագրութեան մէջ:

LEAVE A REPLY

Please enter your comment!
Please enter your name here