Թուրքիա Կրկին Հրետանային Կրակ Արձակած Է Սուրիոյ Ուղղութեամբ

0
128

  Թուրքիա այսօր առաւօտեան հրետանային կրակ արձակած է Սուրիոյ ուղղութեամբ, երբ այդ երկրի տարածքէն արձակուած արկը պայթած էր թուրք-սուրիական սահմանային Պեշասլան բնակավայրէն 300 մեթր հեռաւորութեան վրայ:
Այս մասին՝ ըստ panorama.am-ի՝ կը հաղորդէ «ԻԹԱՌ ԹԱՍՍ» գործակալութիւնը:

Միջադէպին հետեւանքով տուժածներու մասին տեղեկատուութիւն չի հաղորդուիր:
գործակալութիւնը կը յիշեցնէ, թէ վերջին շաբաթներուն առաւել յաճախակի դարձած են սահմանային փոխհրաձգութիւնները:

Նախորդ շաբաթ, թրքական լրատուամիջոցները տեղեկացուցած էին, թէ Սուրիոյ տարածքէն զենիթային համակարգէ կրակ արձակուած էր Հաթայ նահանգին մէջ տեղակայուած հիւանդանոցներէն մէկուն վրայ, որուն արդիւնքով վնասուած էր շինութիւնը: Այդ ժամանակ եւս թուրքական կողմը պատասխան կրակ բացած էր:

Թուրքիոյ խորհրդարանը Հոկտեմբեր 4-ին տեղի ունեցած արտահերթ նիստին ժամանակ հաւանութեան արժանացուցած էր կառավարութեան ներկայացուցած այն յայտը, ըստ որուն՝ Թուրքիոյ զինուած ուժերը թոյլտուութիւն խնդրած էին միջսահմանային ռազմական գործողութիւն իրականացնելու համար, ներառեալ Սուրիոյ նկատմամբ:

LEAVE A REPLY

Please enter your comment!
Please enter your name here