Փարիզի Մէջ Կայացաւ Էտուարտ Նալպանտեանի Եւ Էլմար Մամետիարովի Հանդիպումը

0
141

 Հոկտեմբեր 27-ին, Փարիզի մէջ տեղի ունեցաւ Արտաքին գործոց նախարար Էտուարտ Նալպանտեանի հանդիպումը ԵԱՀԿ Մինսքի խումբի համանախագահներ Ռոպըրթ Պրատքէ (Միացեալ Նահանգներ), Ժաք Ֆոր (Ֆրանսա), Իկոր Փոփով (Ռուսիա) եւ ԵԱՀԿ-ի գործող նախագահի անձնական ներկայացուցիչ Անճէյ Քասփրչիքի հետ: Այնուհետեւ, հանդիպումը շարունակուած է Ատրպէյճանի ԱԳ նախարար Էլմար Մամետիարովի մասնակցութեամբ: Այս մասին կը յայտնէ ՀՀ ԱԳՆ մամուլի ծառայութիւնը:

Համանախագահները ընդգծած են կողմերուն միջեւ լարուածութեան նուազեցումին կարեւորութիւնը: Իբրեւ աշխատանքային առաջարկ, անոնք ներկայացուցած են իրենց գաղափարները` խաղաղ կարգաւորման գործընթացը առաջ մղելու նպատակով: Նախարարները վերահաստատած են իրենց վճռականութիւնը` շարունակելու համանախագահներուն հետ համատեղ աշխատանքը` խաղաղ կարգաւորման հասնելու նպատակով: Նախարարները եւ համանախագահները պայմանաւորուած են այդ գաղափարներու շուրջ քննարկումները շարունակել համանախագահներուն` Նոյեմբերին տարածաշրջան կատարելիք այցի ընթացքին:

 

 

LEAVE A REPLY

Please enter your comment!
Please enter your name here