Փութին կը Պահանջէ Սուրիական Օդանաւէն Գրաւուած Բեռը Յանձնել՝ Սպառնալով Յետաձգել Իր Այցը Թուրքիա

0
111

Ռուսիոյ նախագահ Վլատիմիր Փութին  Դեկտեմբեր 3-ին  նախատեսուած Թուրքիա իր պաշտօնական այցելութիւնը երկրորդ անգամ ըլլալով պիտի յետաձգէ, եթէ Թուրքիա Մոսկուա-Դամասկոս թռիչք կատարող սուրիական ճամբորդատար օդանաւէն իր գրաւած բեռը ամբողջութեամբ չյանձնէ: Այս մասին կը յայտնէ Թրքական «Թարաֆ» օրաթերթը։

Թրքական իշխանութիւնները  Հոկտեմբեր 10-ին սուրիական օդանաւին պարտադրած էին Անգարայի մէջ էջք կատարել, երբ գաղտնի սպասարկական տեղեկութիւններ ստացած էին, թէ օդանաւը Սուրիոյ պաշտպանութեան նախարարութեան համար նախատեսուած հակաօդային համակարգեր կը փոխադրէր:

Օրաթերթը կ՛աւելցնէ, որ Փութին իր այցելութիւնը անորոշ թուականով կրնայ յետաձգել, եթէ Թուրքիա այս հարցով ռուսական պաշտօնական պահանջը չկատարէ: Օրաթերթը կը նշէ, որ եթէ Փութինի Թուրքիա այցելութեան ժամկէտին վրայ փոփոխութիւն չկատարուի, 4 միլիառ տոլար արժողութեամբ հակաօդային համակարգերու նուազուրդը պաշտօնական այցելութեան օրակարգի գլխաւոր կէտերէն մէկը պիտի ըլլայ:

LEAVE A REPLY

Please enter your comment!
Please enter your name here