Առեւանգուած է 7 Հայ Տղամարդ Պէյրութէն Հալէպ Ճանապարհին

0
160

Սուրիոյ մէջ ընթացող քաղաքացիական պատերազմի հետեւանքով կրկին հայեր տուժած են: Զինեալ ապստամբները Պէյրութէն Հալէպ ուղեւորուող քաղաքացիական հանրակառքը կանգնեցուցած են եւ ճանապարհին իջեցուցած ուղեւորները: Ապա՝ ազատ արձակած են կանանց, սակայն գերի վերցուցած 10 ուղեւոր տղամարդ, որոնցմէ եօթը հայեր են, եւս երեքը` քրիստոնեայ արաբ: Այս մասին կը տեղեկացնէ ՙԵրկիր Մեդիա՚-ն, որուն այս մասին հեռաձայնով հաղորդած են սուրիահայ ականատեսներ:

Աղբիւրին համաձայն, սեւազգեստ եւ զինուած ապստամբները զիրենք իջեցուցած են ծունկի եւ հարուածած, ապա տարած իրենց հետ: Ապստամբները գերիներու ազատ արձակման դիմաց կը պահանջեն ետ յանձնել իրենց ձերբակալուած 150 զինակիցները:

Սպառնացած են` եթէ երեք օրուան ընթացքին վերջինները ազատութիւն չստանան, պիտի սպաննեն առեւանգուած 10 ուղեւորները: Առեւանգուածներու ինքնութիւնը առայժմ անյայտ է:

 

LEAVE A REPLY

Please enter your comment!
Please enter your name here