ՀՀ Նախագահը Հանդիպում Ունեցած է Իրաւապահ Կառոյցներու Ներկայացուցիչներու Հետ

0
132

 Հայաստանի նախագահ Սերժ Սարգսեան այսօր` Հոկտեմբեր 29-ին, Հայաստանի դատախազութենէն ներս իրաւապահ մարմիններու ներկայացուցիչներու մասնակցութեամբ խորհրդակցութեան հրաւիրած է քրէական գործերով իրականացուող նախաքննութեան վիճակին առնչուող խնդիրներու առնչութեամբ: Այս կը յայտնէ Նախագահի մամուլի ծառայութիւնը:

Նախագահ Սարգսեան ընդգծած է, որ նախաքննութեան խնդիրներու յաջող լուծումը առաւելապէս առնչուած է այս ոլորտի մէջ դատախազական հսկողութեան բացառիկ գործառոյթի պատշաճ իրացումով, Նախագահը դատախազութեան գործունէութեան մէջ առանձին յանցատեսակներու դէմ պայքարի ընթացքին դրական տեղաշարժի մասին խօսելէն բացի, խստօրէն քննադատած է դեռ առկայ բացասական երեւոյթները` առանձին դատախազներու անփութութեամբ կամ չարամտութեամբ պայմանաւորուած գործողութիւնները:

«Ընդհանրապէս, դատախազութիւնը շարունակում է մնալ պետական այն մարմինների շարքում, որոնք կարողանում են իրենց գործունէութեան մէջ թէեւ քիչ, սակայն որոշակի դրական արդիւնքներ ցոյց տալ: Ասուածի ապացոյցն են հանդիսանում, մասնաւորապէս, միջազգային կառոյցների կողմից մեր պետութեան առաջընթացի արձանագրումը փողերի լուացում եւ թրաֆիքինգ յանցատեսակների դէմ պայքարում:

Յաջող կարելի է համարել նաեւ իրաւակարգի ամրապնդման գործում իրաւապահ այլ մարմինների հետ համագործակցութեան բարելաւումը: Որոշակիօրէն բարելաւուել է նաեւ զինուորական դատախազութեան աշխատանքը:

ՙՆման օրինակները մէկ անգամ եւս վկայում են, որ բարեխիղճ եւ ազնիւ դատախազները, որոնք համակարգում քիչ չեն, գիտակցում են հանրութեան եւ պետութեան առջեւ ստանձնած իրենց առաքելութիւնը եւ այդ առաքելութիւնն իրականացնում են սրտացաւօրէն:

ՙՍակայն պէտք է փաստեմ նաեւ, որ շարունակում է արդիական մնալ առանձին դատախազների անփութութեան կամ չարամտութեան խնդիրը, որը, ցաւօք, արժանի գնահատականի չի արժանանում: Յիշեցնեմ, որ անցած տարուայ դեկտեմբերին կայացած խորհրդակցութեան ընթացքում նախաքննութեան որակի եւ դատախազական հսկողութեան արդիւնաւէտութեան հարցերը քննարկելիս առանձնապէս շեշտուել էր հէնց այս երեւոյթը եւ առաջարկուել դրա դէմ պայքարի արդիւնաւէտ միջոցներ ձեռնարկել: Ու թէեւ այս ուղղութեամբ որոշակի քայլեր կատարուել են, ընդհուպ մինչեւ մեղաւորներին պատասխանատուութեան ենթարկելը, սակայն առկայ բացասական երեւոյթները չեն նուազել: Եւ մասնաւոր հետեւութիւնն այն է, որ առանձին անհատներ այս ամէնից պարզապէս դասեր չեն քաղել: Դասեր չեն քաղել, որովհետեւ դատախազութեան ներսում ես չեմ տեսնում սուր պայքար այդ երեւոյթների դէմ: Ակնյայտ է, որ նախաքննութեան ընթացքում դատախազը լուրջ դերակատարութիւն ունի, սակայն նախաքննական մարմինների ներկայացուցիչներն այստեղ են, եւ բոլորը քաջ գիտակցում են, որ այս գործում իւրաքանչիւրն ունի պատասխանատուութեան իր բաժինը:

ՙԱյս կարճ ժամանակահատուածում Նախագահի աշխատակազմում քաղաքացիներից ստացուած դիմումների եւ բողոքների ստուգման արդիւնքում նախաքննական պրակտիկայում բացայայտուել են փաստեր, որոնք ուղղակի անհամատեղելի են առողջ բանականութեան հետ: Հերիք չէ, որ քննութիւնը վարող պաշտօնեաները գործի հանգամանքները պարզելու փոխարէն կեղծիքների միջոցով փոխում են դէպքի փաստերը, դեռ հովանաւորում են յանցագործներին եւ պարտակում յանցագործութիւնը:

Աւելին` որոշ դէպքերում յանցագործութիւնը բարդում են ուրիշի վրայ: Իրաւապահ մարմնի աշխատողի կողմից աւելի ստոր եւ անբարոյական արարք ես ուղղակի չեմ պատկերացնում: Մենք այսօր դեռեւս այդ փաստերի մասին կը լսենք:
ՙՁեր գործունէութեան ուսումնասիրութեան ընդամէնը երկու-երէք ամիսների ընթացքում պարզուել է, որ, օրինակ.
• դատախազի թողտուութեամբ յանցանք կատարած մի քանի անձինք գործով դառնում են վկայ, նոյնիսկ ոչ թէ թողտուութեամբ, այլ նրա ակտիւ մասնակցութեամբ
• դատախազը յանցաւորութեան դէմ պայքարելու փոխարէն ինքն է յանցանք կատարում եւ յայտնւում հետախուզութեան մէջ: Եւ որեւէ մէկը որեւէ պատասխանատուութիւն դրա համար չի կրում` ո՛չ նրա անմիջական պետը, ո՛չ դատախազութեան այն պաշտօնեան, որ պարտաւոր էր ի պաշտօնէ նաեւ հսկողութիւն իրականացնել այդ դատախազի գործունէութեան նկատմամբ
• Յաջորդը` օրինականութեան նկատմամբ հսկողութիւն իրականացնելու փոխարէն լկտի պահուածքով վիճաբանում է իրաւապահ այլ մարմնի աշխատակցի հետ:

Վիճաբանութիւնն էլ, երեւի, այստեղ ճիշտ բառը չէ: Ոստիկանութեան աշխատողին նրա պետի միջոցով հրաւիրում է իր աշխատասենեակ եւ լկտիաբար նրան ապտակում, այսինքն` ծեծում: Եւ անպայման ես պէտք է միջամտեմ, որպէսզի այդ մարդը ոչ թէ քրէական պատասխանատուութեան ենթարկուի, այլ ուղղակի նրան ազատեն դատախազութեան համակարգից: Եթէ դատախազը ինքը պէտք է ինքնադատաստան տեսնի, ինքը պէտք է այդպէս վարուի, դատախազը ուրիշներից ի՞նչ կարող է պահանջել
• Յաջորդը` դատախազի կոչմանը ոչ վայել իրավիճակում յայտնուելու դէպքում, մնում է անպատիժ: Այսինքն, դատախազը փողոցում կռիւ է սարքում, պարզ է` աղմուկից յետոյ քրէական գործ է յարուցւում, եւ յետոյ չեղած վկայ ներգրաւելով, բոլոր հնարաւոր, անհնար միջոցներով տանում են եւ ուրիշին են ուզում դատապարտել:
ՙՅանցաւոր, արատաւոր միտում կայ` գործերը քննելիս, մէկ էլ յանկարծ 15 տարուայ գործունէութիւնն ուսումնասիրելու անհրաժեշտութիւն է ի յայտ գալիս: Յանձնարարում են հարկայինին` այս կազմակերպութեան վերջին 15 տարուայ գործունէութիւնն ուսումնասիրի: Հարիւրաւոր մարդկանց պէտք է քննել, այն դէպքում, երբ դա գործի հետ քիչ առնչութիւն ունի: Եւ այս ամբողջը բացատրում են գործի համապարփակ, ամբողջական քննութեամբ, իբր: Ին՞չ գործ ունէք: Յանցագործութիւնը՛ բացայայտէք:
ՙԵւ սրանք արձանագրուած դէպքերից միայն մի քանիսն են: Ինչ-որ մէկը կարո՞ղ է ինձ բացատրել, թէ ընդհանրապէս, իրաւապահ մարմնում ինչպէ՞ս կարող է այսպիսի մթնոլորտ լինել: Այսինքն, դա նշանակում է, որ որոշ մարդիկ յղփացել են: Եթէ մարզի դատախազի տեղակալը մտածում է, որ ինքը կարող է այդպիսի արարք թոյլ տալ, ես ուրիշ կերպ մտածել չեմ կ’արողէ,-ասել է Սերժ Սարգսեանը:

ՙԽորհրդակցութեան մասնակիցներին ներկայացուել է քրէական գործերով նախաքննութեան վիճակի գործնական խնդիրների վերաբերեալ ՀՀ նախագահի աշխատակազմում իրականացուած վերլուծութիւնը: Ներկայացուած օբյեկտիւ տուեալները եւ դրանց համակողմանի վերլուծութիւնը թոյլ են տուել եզրակացնել, որ`
• քրէական գործերով նախաքննութեան համար պատասխանատու անձանց կողմից ոչ պատշաճ են իրականացւում կամ ընդհանրապէս չեն իրականացւում իրենց դատավարական լիազօրութիւնները
• անձի դէմ ուղղուած ծանր կամ առանձնապէս ծանր յանցագործութիւնների քննութեան ընթացքում խախտւում է գործի բազմակողմանի, լրիւ եւ օբյեկտիւ քննութիւն կատարելու պահանջը
• դրա հետեւանքով չեն լուծւում ՀՀ քրէական դատավարութեան օրէնսգրքով սահմանուած խնդիրները` յանցանք կատարած անձինք չեն ենթարկւում քրէական պատասխանատուութեան, ակնյայտ անմեղ անձինք մեղադրւում են յանցանքի կատարման մէջ կամ առանց անհրաժեշտութեան ենթարկւում են իրաւունքների սահմանափակման
• իրենց գործունէութեան մէջ խախտումներ թոյլ տուած պաշտօնատար անձինք չեն ենթարկւում կատարածին համարժէք պատասխանատուութեան կամ ընդհանրապէս մնում են անպատիժ
• անմիջական իրաւակիրառողներն իրենց գործունէութեան բարելաւման կամ դրա արդիւնաւէտութեան բարձրացմանն ուղղուած միջոցառումների մշակման, իրականացման գործում անհրաժեշտ նախաձեռնութիւն չեն ցուցաբերում:

ՙՀաշուի առնելով արձանագրուած խնդիրների բնոյթը եւ դրանց առաջացրած հետեւանքները` Հանրապետութեան նախագահը իրավիճակի շտկմանն ուղղուած յանձնարարականներ է տուել կոնկրէտ պատասխանատուներին:

ՙԽորհրդակցութեան աւարտին Սերժ Սարգսեանն ընդգծել է, որ շահագրգիռ վերաբերմունք է ակնկալում ՀՀ գլխաւոր դատախազից, դատախազի տեղակալներից, քննութեան պատասխանատուներից: «ես պահանջում եմ բոլորից սկզբունքայնութիւն: Իւրաքանչիւրը պէտք է պատասխանատուութիւն ունենա, եւ այդ պատասխանատուութիւնը պէտք է ֆիքսուած լինի:

ՙՄենք 2012թ. առաջին եռամսեակի արդիւնքներով նորից անդրադառնալու ենք քննութեան որակին եւ կոնկրէտ փաստերին՚,-ըսած է Նախագահ Սերժ Սարգսեան:

LEAVE A REPLY

Please enter your comment!
Please enter your name here