Միջխորհրդարանական Միութեան Վեհաժողովին Հունգարիոյ Պատուիրակութիւնը Ներողութիւն Խնդրած Է Հայերէն

0
167

Միջխորհրդարանական միութեան 127-րդ վեհաժողովի` ՀՀ Ազգային ժողովի պատուիրակութեան ելոյթէն ետք Հունգարիոյ պատուիրակութեան ընդդիմադիր անդամը ներողութիւն խնդրած է Սաֆարովը արտայանձնելու համար եւ տեղեկացուցած, որ Հունգարիոյ պատուիրակութեան ղեկավարը կը ցանկանայ հանդիպիլ հայկական պաւիրակութեան հետ: Այս մասին՝ ըստ «Արմենփրես»-ին՝ Հոկտեմբեր 30-ին հրաւիրուած մամլոյ ասուլիսի ժամանակ ըսաւ Հայաստանի պատուիրակ, ԱԺ ՕԵԿ խմբակցութեան ղեկավար Հեղինէ Պիշարեան: «Հունգարիայի պատուիրակութեան ղեկավար Լասլօ Հորուաթը չափազանց յուզուած մօտեցաւ մեզ եւ ասաց, որ շատ են ափսոսում կատարուածի համար եւ ցանկանում են վերականգնել յարաբերութիւնները Հայաստանի հետ: Ինքը երկու տարի առաջ այցելել է Հայաստան եւ կարծում է, որ լաւ կը լինի եթէ պատգամաւորների փոխայցելութիւնների մակարդակով փորձեն վերականգնել Հունգարիայի եւ Հայաստանի դիւանագիտական յարաբերութիւնները»,-նշած է Հեղինէ Պիշարեան:

Տակաւին կան երկիրներ, պատգամաւորներ, որոնք լաւ տեղեկացուած չեն հայ-ատրպէյճանական յարաբերութիւններուն մասին` կապուած ԼՂ հարցին հետ: Անդրադառնալով այն հարցումին, թէ ո՛ր երկրի մէջ պիտի իրականացուի յաջորդ վեհաժողովը` պատուիրակութեան անդամ, ՀՀԿ խմբակցութեան անդամ Կարէն Ճշմարիտեան ըսաւ, որ Ատրպէյճանը կը ցանկանար, որ տեղի ունենայ իր երկրին մէջ, նոյնիսկ յայտարարած էր, որ կը լուծի բոլորին վիզաներ տրամադրելու հարցը եւ այդ ցուցակին մէջ առաջինը կ’ըլլայ Հայաստանը, սակայն նախնական պայմանաւորուածութեամբ յաջորդ վեհաժողովը պիտի ըլլայ Մոնկոլիա:

21-26 Հոկտմբեր 2012-ին Քուեպէքի մէջ կայացած է Միջխորհրդարանական միութեան 127-րդ վեհաժողովը, որուն մասնկացած է ՀՀ ԱԺ պատուիրակութիւնը:

 

LEAVE A REPLY

Please enter your comment!
Please enter your name here