Անգարա Կը Փորձէ «Պարել ԱՄՆ-ի Տուտուկին Տակ». Pravda.ru

0
148

Թուրքիոյ վարչապետ Ռեճէպ Էրտողան յայտնուած է քաղաքական դատարկութեան մէջ: Այս մասին՝ ըստ panorama.am-ի՝ կը գրէ «Pravda.ru» պարբերականը:

«Այն ժամանակ, երբ պաշտօնական Անգարան կը փորձէ «պարել ԱՄՆ-ի տուտուկին տակ», Թուրքիոյ մէջ քաղաքական ճգնաժամը եւ հասարակութեան դժգոհութիւնը կը հասունանայ: Մարդիկ արդէն փողոց դուրս կու գան: Միեւնոյն ժամանակ Թուրքիոյ վարչապետ Էրտողան կը գտնուի քաղաքական մեկուսացման մէջ` «կռուած է» գրեթէ բոլոր հարեւաններու հետ, կորսնցուցած է երկրի ներքին աջակցութիւնը եւ անգամ վատթարացած են յարաբերութիւնները Մոսկուայի հետ:

Թուրքիան վերջին հինգ տարիներու ընթացքին տարածաշրջանին մէջ առաջնորդի դեր ստանձնած էր, սակայն իրավիճակը փոխուած է: Միայն Սեպտեմբերին գործազրկութիւնը այստեղ աճած է 8.4 տոկոսով: Ըստ Թուրքիոյ զբօսաշրջութեան նախարարութեան՝ երկրի այցելողներուն թիւը կրճատուած է 2 միլիոնով:

ԱՄՆ նախագահական ընտրութիւնները, Իրանի, Իսրայէլի եւ Սուրիոյ հետ աշխարհաքաղաքական բնոյթի շարք մը չկարգաւորուած հարցերը կ’ազդեն Թուրքիոյ տնտեսական իրավիճակին վրայ»,- կը գրէ պարբերականը:

«Ըստ վերջին տուեալներուն՝ Անգարայի հակասուրիական դիրքրոշումը Էրտողանի նախարարներու կազմին շահ չի բերեր: Աւելին, վարչապետը կը հասկնայ, որ ինք յայտնուած է քաղաքական դատարկութեան մէջ, ոչ միայն Սուրիոյ հարցով միայնակ մնացած է, այլ նաեւ վատթարացած են յարաբերութիւնները հարեւաններուն հետ:

Կարծես` Էրտողանը իր ներքին քաղաքականութեան հարցով լրիւ միայնակ մնացած է: Այսպիսով, Անգարան նաեւ հակամարտութեան մէջ է Մոսկուայի հետ` խօսքը սուրիական օդանաւի հարկադիր վայրէջքին մասին է:

Այսպիսով հարց կ’առաջանայ. որո՞ւն ձեռնտու է թուրք-ռուսական յարաբերութիւններու վատթարացումը: Հակառակ Ռուսաստանի հետ ռազմավարական համագործակցութեան, ՌԴ նախագահ Փութինի` այդ երկիր նախատեսուած այցի նախօրէին, «խափանած է» այդ հանդիպումը»,- կը գրէ Pravda.ru-ն:

Պարբերականը նաեւ կը նշէ. «Մէկ բան ակնյայտ է, որ Թուրքիան երբեք ալ չէր երթար նման քայլի, եթէ չըլլար Ուաշինկթընի հրամանը եւ հովանաւորութիւնը: Ի կատար ածելով ԱՄՆ-ի կամքը, Էրտողանի կառավարութիւնը փաստացի յայտնուած է փակուղային իրավիճակի մէջ: Ան հակամարտութեան մէջ մտած է Ռուսաստանի հետ, իսկ ԱՄՆ-ն սուրիական ճգնաժամը լուծելու հարցով, Թուրքիոյ միայնակ ձգած է: ԱՄՆ-ն կը ծրագրէ տարածաշրջանին ՝մէջ ձեւաւորել «նոր աշխարհաքաղաքական լանտշաֆթ»: Իսկ ուժեղ Թուրքիան այդ ծրագրին մէջ անգամ չկայ: Այդ իսկ պատճառով ԱՄՆ-ն կը փորձէ Թուրքիան «կռուեցնել» իր բոլոր հարեւաններուն հետ, որպէսզի վերջինս տկարանայ: Եւ մինչեւ հիմա ատիկա ան յաջողած է:

Շատ փորձագէտներ կը կարծեն, որ եթէ Էրտողան կը ցանկանայ իր պաշտօնը պահել, պէտք է վերջ տայ «ԱՄՆ-ի տուտուկին տակ պարելուն» եւ չվատթարացնէ յարաբերութիւնները իր հարեւաններուն եւ ռազմավարական գործընկերներուն հետ, առաջին հերթին Մոսկուայի: Հակառակ պարագային Թուրքիոյ մեկուսացում կը սպառնայ»,- կը գրէ թերթը:

LEAVE A REPLY

Please enter your comment!
Please enter your name here