Գիտաժողով Ս.Դ.Հ.Կ.-ի 125 Ամեակի Առիթով Պըրպէնքի Մէջ

0
147

Ս.Դ. Հնչակեան Կուսակցութեան հիմնադրութեան 125 ամեակին նուիրուած գիտաժողով մը (սեմինար) գումարուեցաւ Հոկտեմբեր 27-ին Պըրպէնքի Ուիտպըրի Համալսարանի ՚Ֆլէչըր Ճոնզՙ հանդիսասրահին մէջ: Այս մասին կը յայտնէ HayNews-ը։
Նոր Սերունդ Մշակութային Միութիւն եւ Հայկական Կրթական Բարեսիրական Միութիւն կազմակերպութեամբ այս իրադարձութիւնը նշուած է ակադեմական մակարդակով:

Սեմինարի մասնակիցները շուրջ 200 հոգի նախասրահին մէջ ցուցադրուած ցուցանակներու միջոցով ծանօթացած են ՍԴՀԿ-ի տարբեր ժամանակաշրջաններու, գործունէութեան, լուսանկարներուն եւ այլ ծանօթագրութիւններու:

Հանդիսութեան ներկայ եղած են Արեւմտէան Թեմի առաջնորդ Գերշ. Յովնան Արք.Տէրտէրեան,Հայ Աւետ. Եկեղեցիներու տնօրէն վեր. Ճօ Մաթոսէան, Հայաստանի աւագ հիւպատոս Տիար Գրիգոր Յովհաննիսեան եւ իր խորհրդականը` Արտակ Գալստեան, Արեւմտեան Թեմի նախկին առաջնորդ Գեր. Վաչէ Արք. Յովսէփեան, Սան Տիեկոյի Հայց. Եկեղեցւոյ հովիւ Արժ. Տ. Տաթեւ Աւ. Քհնյ. Թաթուլեան, Հարաւային Քալիֆորնիոյ համալսարաններու դասախօսներ, Ս.Դ.Հ.Կ.ի ղեկավարեր, ինչպէս նաեւ տարբեր կազմակերպութիւններու, մամուլի եւ մտաւորականութեան ներկայացուցիչներ:

Սեմինարի կազմակերպիչ յանձնախումբի անունով ելոյթ ունեցաւ Նոր Սերունդ Մշակութային Միութեան ատենապետ Յարութ Տէր Դաւիթեան իր բացման խօսքի մէջ անդրադարձաւ 125 տարիներու Հնչակեան կ’ուսակցութեան գործունէութեան,- «եթէ այս գիտաժողովը նպաստէ երկարամեայ հայ կազմակերպութեան մը տարիներու գործունէութեան ընդմէջէն, մեր մէջ զօրացնելու մեր հայկական էութեան գիտակցութեան սաղմը, մենք` մեծապէս գոհացած պիտի ըլլանք անոր արդիւնքէն՚, ըսաւ ան։

Գիտաժողովի բացումին ողջոյնի խօսքով հանդէս եկաւ Արեւմտեան Թեմի առաջնորդ Գերշ. Տ. Յովնան Արք. Տէրտէրէան: Ան բարձր գնահատեց Մայր Կուսակցութեան հիմնադիրներու Հայրենիքին ծառայելու իրենց տեսիլքն ու ուժականութիւնը, ըսելով,- «Անոնց յիշատակը թող միշտ պայծառ մնայ եւ թող այս իրադրութիւնը` նոր աւիւն մը դառնայ նոր սերունդին եւ գեղեցիկ ընծայումն ըլլայ անոնց պայծառ յիշատակին՚։

Ողջոյնի խօսքով հանդէս եկաւ նաեւ Ուըտպըրի Համալսարանի տնօրէն` Դոկտ. Տան Սէնթ Գլէր եւ նախագահի անունով շնորհաւորեց Ս.Դ.Հ.Կ.ի 125-ամեակը:
Գիտաժողովի հովանաւորներն էին UCLA համալսարանի Ռիչըրտ Յովհաննիսեանի անուան ժամանակակից Հայոց Պատմութեան ամպիոնը, Ուըտպըրի համալսարանը, Միշիկըն համալսարանի Հայկական Հետազօտական Կեդրոնը եւ Հայկական Ուսումնասիրութիւններու եւ Հետազօտութէանց Ազգային Ընկերակցութիւնը:

LEAVE A REPLY

Please enter your comment!
Please enter your name here