Թրքական Աղբիւրներու Համաձայն՝ Հայաստանը ԼՂՀ-ի Ճանաչման Մեկնարկը Տուած Է

0
133

 Հայաստանը մեկնարկը տուած է Լեռնային Ղարաբաղի անկախութեան միջազգային ճանաչման. այս մասին գրած են թրքական զանգուածային լրատուամիջոցները՝ հիմք ունենալով երկրի յատուկ ծառայութեան աղբիւրները:
Թուրքիոյ յատուկ ծառայութիւններու տուեալներով, Հայաստան այդ առնչութեամբ աշխատանք կը տանի Լատինական Ամերիկայի, Ափրիկէի եւ Ովկիանիայի երկիրներուն հետ: Իբրեւ այս մէկուն հաստատում՝ նշուած է Էտուարտ Նալպանտեանի տուած այցելութիւնները Լատինական ու Կեդրոնական Ամերիկայի երկիրներ եւ ունեցած հանդիպումը հայկական սփիւռքի ներկայացուցիչներուն հետ, որոնց ընթացքին կոչ ուղղուած է աւելի աշխուժ կերպով գործունէութիւն ծաւալիլ այս ուղղութեամբ:

«Հայկական սփիւռքը իր գլխաւոր նպատակը երկրորդ հայկական պետութեան ստեղծումը կը նկատէ եւ այդ ձեւով Թուրքիոյ ու Ատրպէյճանի վրայ ճնշում բանեցնելը», գրած է «Ռեգնում»ը՝ յղում կատարելով թրքական լրատուամիջոցներէն:

 

LEAVE A REPLY

Please enter your comment!
Please enter your name here