Հայաստան-Իրան Յարաբերութիւնները Կ’ամրապնդուին. Նախագահները Հեռաձայնային Զրոյց Ունեցած են

0
111

 Երեքշաբթի օր Իրանի Իսլամական Հանրապետութեան նախագահ Մահմուտ Ահմետինեճատ նշած է, որ տնտեսական համագործակցութիւնը կ’օգնէ ամրապնդելու Իրանի եւ Հայաստանի միջեւ դարերու ընթացքին ստեղծուած բարեկամական յարաբերութիւնները: Այս մասին կը յայտնէ HayNews-ը վկայակոչելով ՙԻռնա՚ իրանական գործակալութիւնը:

Աղբիւրը կը նշէ, որ Իրանի Իսլամական Հանրապետութեան նախագահ Մահմուտ Ահմետինեճատ եւ Հայաստանի Հանրապետութեան նախագահ Սերժ Սարգսեանը հեռաձայնային զրոյց ունեցած են: Այդ ընթացքին Սերժ Սարգսեանը դրական գնահատած է վերջերս Երեւանի մէջ կայացած հայ-իրանական Միջկառավարական համատեղ յանձնաժողովի աշխատանքները:

Զրոյցի ընթացքին երկու նախագահները ընդգծած են յարաբերութիւններու ընդլայնման կարեւորութիւնը երկու պետութիւններու միջեւ:

LEAVE A REPLY

Please enter your comment!
Please enter your name here