ՄԱԿ-ը 2015-ին Պիտի Ճանչնայ Հայոց Ցեղասպանութիւնը եւ Փոխհատուցման Պահանջներ Պիտի Ներկայացուին Թուրքիոյ. Թուրք Գործիչ

0
145

Թուրք յայտնի լրագրող, ընդդիմադիր «Ժողովրդա-հանրապետական» կուսակցութեան կազմին մէջ աշխոյժ քաղաքական գործունէութիւն ծաւալած Էնվէր Այսեւէր յայտարարած է, որ Թուրքիոյ համար կարեւորագոյն խնդիրներէն մէկը 2015 թուականն է` նկատի ունենալով Հայոց Ցեղասպանութեան 100-րդ տարելիցը:

Այս մասին՝ ըստ new.am-ին՝ կը հաղորդէ թրքական Haberler կայքը: Գերմանիոյ Համպուրկ քաղաքին մէջ թրքական հասարակական կազմակերպութեան մը կողմէ Թուրքիոյ Հանրապետութեան տօնին նուիրուած խորհրդաժողովին ժամանակ ելոյթ ունեցած թուրք յայտնի գործիչ Էնվէր Այսեւէր ներկաներու ուշադրութիւնը հրաւիրած է Թուրքիոյ մէջ Հայոց Ցեղասպանութեան խնդրի քննարկումներու անհրաժեշտութեան:

Էնվէր Այսեւէրի խօսքով` ներկայիս Միջին Արեւելքի նոր քարտէզը կը գծուի, ինչ որ տեղի կ’ունենար նաեւ Առաջին համաշխարհային պատերազմէն ետք: «Այս ընթացքին Թուրքիան վտանգաւոր շրջադարձերու մէջ կը մտնէ: Միջին Արեւելքի մէջ փոփոխուող սահմանները մեր երկրին վրայ ալ ազդեցութիւն պիտի ունենան:

«Թուրքիոյ համար կարեւոր խնդիրներէն մէկը մօտեցող 2015 թուականն է: Հայերու բռնագաղթի 100-րդ տարելիցին առթիւ ՄԱԿ-ը 2015-ին որոշում պիտի կայացնէ, որ Թուրքիան 1915-ին ցեղասպանութիւն իրականացուցած է: Նման որոշման ընդունումէն ետք Թուրքիոյ դէմ հողային եւ ֆինանսական փոխհատուցման պահանջ պիտի ներկայացուի:

«Մեր սխալներէն մէկն ալ այն է, որ 1915-ը երբեք չենք քննարկած: Այդ թեման ոչ պատմութեան գիրքերուն մէջ եղած է, ոչ ալ` համալսարաններու մէջ քննարկուած»,-ըսած է է Էնվէր Այսեւէր:

LEAVE A REPLY

Please enter your comment!
Please enter your name here