Նախագահ Սերժ Սարգսեան Այցելած է Արտաշատի Հնավայր

0
181

Հայաստանը կրնայ դառնալ հնագիտական ուսումնասիրութիւններու տարածաշրջանային խոշորագոյն կեդրոն: Հայկական յուշարձաններու հանրահռչակման խնդիրները պետութեան հոգածութեան ներքոյ են: Կը տեղեկացնէ Armenpress-ը։

ՀՀ Նախագահ Սերժ Սարգսեան Հոկտեմբեր 31-ին այցելեց Արարատի մարզի Արտաշատի հնավայր, նաեւ` մայրաքաղաքի ՙՇէնգաւիթ՚ եւ ՙԷրեբունի՚ պատմահնագիտական արգելոց-թանգարաններ:

Աղբիւրը կը նշէ, որ ՀՀ ԳԱ ակադեմիայի հնագիտութեան եւ ազգագրարութեան ինստիտուտի տնօրէն Պաւել Աւետիսեանի խօսքով` վերջին տարիներու հնագիտական պեղումները հսկայական նիւթեր տուած են հայոց հնագոյն անցեալի վերակազմութեան վերաբերեալ: ՙՄեր յուշարձանները ոչ միայն հայոց հնագոյն պատմութեան համար են շատ կարեւոր տուեալներ տալիս, այլեւ` ամբողջ Առաջաւոր Ասիայի եւ հնագոյն քաղաքակրթութիւնների. մեր երկիրը հնագիտական ուսումնասիրութիւնների խոշոր կեդրոն կարող է դառնալ՚,-ըսած է ան: Պաւել Աւետիսեանի խօսքով` մեր հարեւան Թուրքիան հնագիտական առումով գերտերութիւն դառնալու նկրտումներ ունի: ՙկը գայ ժամանակը, որ նա շատ բան կը թելադրի, եւ մենք պէտք է հակակշիռ ունենանք՚,-ըած է ան:

Անդրադառնալով Արտաշատի հնավայրի մէջ իրականացուած պեղումներուն, Հնագիտութեան եւ ազգագրութեան ինստիտուտի տնօրէնը նշեց, որ այնտեղ պեղումներ կ’իրականացուին դեռ 2003 թուականէն: ՙՀնավայրից պեղուած Արտաշատի ներքին քաղաքը, տաճարական համալիրն իր հասարակական բաղնիքով, խճապատ յատակներով Արտաշատի մասին շատ հետաքրքիր տուեալներ են տալիս՚,-ըսած է Պաւել Աւետիսեանը:

«Շէնգաւիթ՚ արգելոց-թանգարանի տնօրէն Վլատիմիր Ճաղարեանի խօսքով` Շէնգաւիթի 2012 թուականի պեղումները թէ ճարտարապետական եւ թէ հնագիտական տեսանկիւնէն բաւական լուրջ նիւթեր տուած են: ՙԱյս տարի հինգ մեթր խորութեամբ ուսումնասիրուել եւ նորովի են մեկնաբանուել շերտագրութեան հարցերը: Յուշարձանի ընդհանուր տարածքի միայն 30-40 տոկոսն է մեզ հասանելի, մնացածը կառուցապատուել է խորհրադային ժամանակ՚,-ըսաւ ան:

ՙէրեբունի՚ արգելոց-թանգարանի տնօրէն Գագիկ Գիւրջեան նշած է, որ էրեբունին պէտք է հանրահռչակուի: ՙԱնհրաժեշտ է զբօսաշրջութեան համար պայմաններ ստեղծել, աւարտին հասցնել եւ լիարժէք ներկայացնել միջնաբերդը: Յուշարձանը ունի նաեւ արդիականացման կ’արիք՚,-ըսած է Գիւրջեան:

LEAVE A REPLY

Please enter your comment!
Please enter your name here