Պերլինի Մէջ Հայերը, Ալեւիները, Ասորիները, Քիւրտերը Եւ Եզտիներ Պոյքոթի Կ’ենթարկեն Ռեճէպ Թայիփ Էրտողանի Այցը

0
159

«Գերմաիոյ մէջ գործող տարբեր ազգային կազմակերպութիւններուն կոչ կ’ընենք միանալ համատեղ ցոյցին»: Այդպիսի հաղորդագրութիւն տարածած է Գերմանահայոց կեդրոնական խորհուրդը (ԳԿԽ)` Թուրքիոյ վարչապետ Ռեճէպ Թայիփ Էրտողանի պերլինեան այցին հետ կապուած: Այս մասին կը հաղորդէ news.am կայքը:

ԳԿԽ-ն Հոկտեմբեր 31-ին Պերլինի կեդրոնին մէջ` Պրանտենպուրկեան դարպասներուն մօտ, ցոյց պիտի կազմակերպէ` Էրտողանէն պահանջելով բարելաւել Թուրքիոյ մէջ ապրող ազգային փոքրամասնութիւններու իրավիճակը եւ ամբողջովին նոր քաղաքականութիւն կիրառել այս հարցով: Ըստ կառոյցին նախնական տուեալներուն` վաղուան ցոյցին հայերէն բացի պիտի մասնակցին նաեւ ալեւիներ, ասորիներ, քիւրտեր ու եզտիներ:

Մինչեւ Էրտողանի այցը, ԳԿԽ-ն Գերմանիոյ վարչապետր Անկելա Մերքէլին յղած էր նամակ, ուր կ’ահազանգէ Թուրքիոյ իսլամացման քաղաքականութեան մասին:

Նշենք, որ Թուրքիոյ վարչապետ Ռեճէպ Թայիփ էրտողան այսօր` Հոկտեմբեր 30-ին, երկօրեայ աշխատանքային այցով կը մեկնի Պերլին, ուր պիտի մասնակցի Թուրքիայի դեսպանատան նոր շէնքի բացման արարողութեան, պիտի հանդիպի Պերլինի մէջ գործող թրքական կազմակերպութիւններուն հետ: Իսկ վաղը Էրտողան հանդիպում պիտի ունենայ Գերմանիոյ վարչապետ Անկելա Մերքէլի հետ: Օրակարգին վրայ թուրք-գերմանական երկկողմ յարաբերութիւններն են, Թուրքիոյ ԵՄ անդամակցութիւնը, Միջին Արեւելքի, մասնաւորապէս Սուրիոյ մէջ տեղի ունեցող իրադարձութիւնները:

LEAVE A REPLY

Please enter your comment!
Please enter your name here