Վաղը Հայաստանի Մէջ Կը Մեկնարկէ «ՆԱԹՕ-ի Շաբաթ»-ը

0
123

Նոյեմբերի 1-8-ը Հայաստան-ՆԱԹՕ Անհատական գործընկերութեան գործողութիւններու ծրագրի ծիրէն ներս Հայաստանի մէջ տեղի կ’ունենայ հերթական «ՆԱԹՕ-ի շաբաթ»-ը, կը յայտնէ ԱԳՆ մամլոյ ծառայութիւնը:
Գիւմրիի մէջ Մ. Նալպանտեանի անուան պետական մանկավարժական հիմնարկին մէջ տեղի պիտի ունենայ ուսանողներու հետ հանդիպում, որուն ընթացքին դասախօսութիւններով հանդէս պիտի գան ՀՀ ԱԳ նախարարութեան, Հայաստանի մէջ ԱՄՆ եւ ՄԹ դեսպանութիւններու, ՆԱԹՕ-ի ներկայացուցիչները:
Նոյեմբեր 5-6, իբրեւ ՆԱԹՕ-ի շաբաթուան հիմնական միջոցառում, «Քոնկրէս» հիւրանոցին մէջ տեղի պիտի ունենայ ՆԱԹՕ-ի Գործընկերութեան նոր քաղաքականութեան նուիրուած` «Համագործակցային անվտանգութեան ամրապնդումը. ՆԱԹՕ-ի Նոր գործընկերային քաղաքականութեան յաւելեալ ներդրումը» սեմինարը, որուն պիտի մասնակցին ՆԱԹՕ-ի բարձրաստիճան պաշտօնեաններ, ՀՀ ԱԳ եւ ՊՆ նախարարութիւններու ներկայացուցիչներ, քաղաքագէտներ, փորձագէտներ, հասարակական կազմակերպութիւններու ներկայացուցիչներ:
«ՆԱԹՕ-ի շաբաթ» միջոցառման մասնակիցները պիտի այցելեն ՀՀ ՊՆ խաղաղապահ բաժին, իսկ ՀՀ ԱԳՆ շէնքին մէջ հեռուստակամուրջներ տեղի պիտի ունենան Քոսովոյի ու Աֆղանիստանի մէջ ծառայող հայ խաղաղապահներուն եւ անոնց ընտանիքներուն համար:
Կը նախատեսուի նաեւ այցելութիւն ՀՀ Արտակարգ իրավիճակներու նախարարութեան փրկարար ծառայութեան ճգնաժամային կառավարման կեդրոն:
ՆԱԹՕ-ի` իբրեւ քաղաքական-ռազմական դաշինք, զարգացման եւ վերափոխման խնդիրներու քննարկման նուիրուած հեռուստատեսային կլոր սեղանի իրականացումով կ’եզրափակուի նախատեսուած միջոցառումներու ցանկը:
«ՆԱԹՕ-ի շաբաթ» միջոցառումին, ինչպէս նաեւ սեմինարի լուսաբանումը բաց է լրատուութեան միջոցներու ներկայացուցիչներուն համար:

LEAVE A REPLY

Please enter your comment!
Please enter your name here