Հնդիկ Բեմադրիչը Հայոց Ցեղասպանութիւնը Մարդկութեան Պատմութեան Ամենաամօթալի Էջերէն Կը Համարէ

0
143

Բազմաթիւ շարժանկարներու հեղինակ, հնդիկ բաեմադրիչ, սենարիստ, դերասան եւ արտադրող Շեխար Քափուր կը շարունակէ իր ստեղծագործական պոռթկումները: Վերջին թեման, որ տեղ գտած է Քափուրի խանդերգին մէջ, Հայոց ցեղասպանութիւնն է. ան գիտէ` իրեն դժուարութիւններ կը սպասուին: Հնդկական NewstrackIndia եւ ZeenewsIndia պարբերականները նման նախաբանով սկսած են հնդիկ բեմադրիչին` հայերու ցեղասպանութեան մասին շարժանկար նկարելու մասին յօդուածները: Շարժանկարը նուիրուած պիտի ըլլայ օսմանեան թուրքերու կողմէ հայերու համակարգուած բնաջնջումին: Լրատուամիջոցները այնուհետեւ կը մէջբերեն Կափուրի` Twitter-ի իր պլոքին մէջ վերջերս կատարած գրառումը, թէ ան կը պատաստուի Երեւան այցելել` դէպքերուն վերաբերեալ նիւթեր հաւաքելու նպատակով: «Ան (Հայոց Ցեղասպանիւթիւնը) աշխարհի պատմութեան մէկ մասն է` ամենաամօթալի էջերէն: Շարժանկարը նկարահանելու գաղափարը իմ մօտ ծագած է յայտնի «Motorcycle Diaries» շարժանկատի սենարիստին` ինծի ուղարկած մէկ այլ սենար կարդալու ատեն: Սակայն ֆիլմի նկարահանումները պիտի չսկսին մինչեւ գալիք տարի»,- այս մասին՝ ըստ «Արմենփրես»-ին՝ լրագորղներուն յայտնած է Քափուր:

Լրատուամիջոցները կը շեշտեն, որ «սովորական» թուրքերը, օրինակ` Նոպէլեան մրցանակի դափնեկիր Օրհան Փամուքը, կը հետապնդուին եւ կը յայտնուին թրքական կառավարութեան «սեւ» ցուցակին մէջ` Ցեղասպանութեան մասին բացայայտ յայտարարութիւններու համար: Անոնք հարց կը բարձրացնեն` արդեօք Քափուր կը վախնայ նման իրավիճակի մէջ յայտնուելէն: Քափուրը այս առնչութեամբ շեշտած է, որ թրքական հասարակութեան մէջ փոփոխութիւններ տեղի ունեցած են, նոր սերունդը կ’ըսէ` ինչո՞ւ չենք կրնար ընդունիլ այն, ինչ որ պատահած է:
«Հասարակութիւն մը, որ դասեր չի քաղեր իր անցեալէն, դատապարտուած է կրկնելու նոյն սխալները: Իբրեւ շարժանկարի բեմադրիչ` պատմութիւնը ինծի համար գիտաերեւակայական է: Ես կրնամ ամբողջ աշխարհ մը ստեղծել անով»,-շեշտած է հնդիկ բեմադրիչը:

Շեխար Քապուր ծնած Փաքիստանի Լահոր քաղաքը: Նախնական կրթութիւնը ստացած է Նիւ Տելհիի մէջ: 1970-ականներուն տեղափոխուած է Մեծ Բրիտանիա եւ քանի մը տարի աշխատած իբրեւ հաշուապահ: Դերասանի ասպարէզը սկսած է` նկարահանուելով Պոլիվուտի «Jaan Hazir hai» եւ «Toote Khilone» շարժանկարներուն մէջ:

LEAVE A REPLY

Please enter your comment!
Please enter your name here