Արցախի Թեմի Առաջնորդը Պիտի Քարոզէ Սրբոց Ղեւոնդեանց Մայր Տաճարին Մէջ (Պըրպենք)

0
194

Պէրպենքի Առաջնորդ Յովնան արք. Տէրտէրեանի հրաւէրով, Արցախի թեմի առաջնորդ Պարգեւ արք. Մարտիրոսեան, որ «Հայաստան» Համահայկական հիմնադրամի կողմէ Գոհաբանութեան տօնի օրուան աւանդութիւն դարձած նուիրահաւաքին (թելեթոնի) մասնակցելու համար Լոս Անճելըս պիտի գտնուի, Կիրակի, Նոյեմբեր 18ին, առաւօտեան ժամը 10:30ին պիտի պատարագէ եւ քարոզէ առաջնորդանիստ Սրբոց Ղեւոնդեանց Մայր տաճարին մէջ: Այս մասին կը յայտնէ ԱՄՆ-ի ՙԱսպրարէզ՚ օրաթերթը։

Պատարագի աւարտին, հոգեհանգստեան մասնաւոր պաշտօն պիտի կատարուի Երուսաղէմի Հայոց պատրիարք Թորգոմ Մանուկեանի եւ Աւստրալիոյ ու Նիւ Զելանտայի թեմի առաջնորդ Աղան արք. Պալիօզեանի վախճանման քառասունքին առթիւ:

Արարողութեան աւարտին առաջնորդարանին մէջ տեղի պիտի ունենայ հոգեսուրճի սպասարկութիւն՝ կազմակերպութեամբ Երուսաղէմի Սրբոց Թարգմանչաց երկրորդական վարժարանի սանուց միութեան:

LEAVE A REPLY

Please enter your comment!
Please enter your name here