Արքայազն Էնտրիւն Իր Անձնական Գործարարութեան Շահերը Ունի Ատրպէյճանի Մէջ. Independent

0
139

Ըստ news.am-ի՝ բրիտանական Independent թերթը ուշադրութեան արժանացուցած է արքայազն Էնտիւի եւ Ատրպէյճանի նախագահ Իլհամ Ալիեւի վաղեմի կապերուն մասին: Թերթը կ’աւելցնէ նաեւ, որ Ալիեւը կը համարուի «աշխարհի ամէնէն կաշառակեր եւ դաժան առաջնորդներէն մէկը»:

Վերջին շրջանին արքայազն Էնտրիւն կը համարուի Բրիտանիոյ առեւտուրի եւ ներդրումներու պաշտօնական ներկայացուցիչը: Սակայն, թերթին տուեալներով՝ «հարկատուներու գրպանէն ֆինանսաւորուող խոշոր ծախսերը, ինչպէս նաեւ անոր բարեկամական կապերը խիստ կասկածելի առաջնորդներու եւ դատապարտուած մանկապիղծերու հետ», անոր ստիպած են հրաժարական տալու:
Independent-ը նշած է, որ մասնաւոր օդանաւի վարձակալման համար Ատրպէյճան կատարած անոր ուղղեւորութիւնը կազմած է 60 հազար սթերլին:

Պաշտօնապէս, արքայազնը արտասահմանի մէջ պէտք է զբաղէր բրիտանական պիզնէսի քարոզչութեամբ, սակայն անոր գործունէութեան հետեւանքով կառավարութիւնը յայտնուած է դժուարին ու աննախանձելի վիճակի մէջ:

«Վերջին 5 տարուան ընթացքին արքայազն Էնտրիւն արդէն 8 անգամ այցելութիւն տուած է Ալիեւին: Գրաւագիրներու պալատի տուեալներով՝ անոր բոլոր գործերը Ատրպէյճանի եւ միւս երկիրներու հետ, որոնք կը մեղադրուին մարդու իրաւունքներու ոտնահարման մէջ, վերջին տարիներուն ընթացած են բրիտանական կառավարութեան գծով»,- կը գրէ Independent-ը:

Թերթը, վկայակոչելով ատրպէյճանական լրատուամիջոցները՝ կը յայտնէ, որ ըստ շրջանառուող լուրերուն, արքայազնը տարածաշրջանին մէջ անձնական գործարար շահեր կը հետապնդէ, ներառեալ` կասպեան ծովափին կոլֆ-ակումբի ձեռքբերումը: Սակայն Գրաւագիրներու պալատը այդ լուրերը կը հերքէ:

Իսկ այժմ պաշտօնաթող արքայազնը Ատրպէյճանի մէջ Բրիտանիոյ դեսպանին հետ անձնական հանդիպումի ընթացքին տեղեկութիւններ պահանջած էր տարածաշրջանին վերաբերեալ:

«Մեզի կը մնայ յուսալ, որ Արքայազն Էնտրիւն Գրաւագիրներու պալատի այդ հանդիպումները կ’օգտագործէ եւ դեսպանին կը փոխանցէ իր անհանգստութիւնը Ատրպէյճանի մէջ մարդու իրաւունքներու ոտնահարման բազմաթիւ դէպքերու առընչութեամբ»,-Independent-ի հետ հարցազրոյցի ընթացքին յայտնած է Amnesty Internacional-ի ներկայացուցիչ Նաթալիա Նոխաձէն:

LEAVE A REPLY

Please enter your comment!
Please enter your name here