Գաղտնի Վկան «Էրկենեքոն»-ի Գործի Դատավարութեան Ընթացքին Տինքի Սպանութեան Առնչուող Ցուցմունք Տուած Է

0
154

 Թուրքիոյ մէջ ընթացող «Էրկենեքոն»-ի գործով դատավարութեան ընթացքին ցուցմունք տուած է գաղտնի վկայ մը, որ նշած է, թէ գործով ամբաստանեալներէն Մուզաֆֆեր Թեքինը դեռ 2005-ին ոմն Թաներ Պուպերին պատուիրած էր Հրանդ Տինքի սպանութիւնը:

«Էրկենեքոն»-ի գործով հերթական դատավարութիւնը տեղի ունեցած է երէկ` Սթամպուլի ծանր յանցագործութիւններու 13-րդ դատարանին մէջ:

«2005-ին Թաներ Պուպեր բանտէն դուրս եկած էր, որմէ ետք Մուզաֆֆեր Թեքին անոր առաջարկած էր սպաննել Հրանդ Տինքը: Թեքին անոր տուած էր դրամատնային չէքեր, որոնց վրայ գումարի չափ նշուած չէ եղած եւ ըսած էր, թէ պատուերը իրականացնելէն ետք կրնայ ուզած թիւը լրացնել: Սակայն Պուպերը ըսած է, թէ չի ցանկանար դարձեալ բանտ մտնել եւ հրաժարած էր գործարքէն»,- պատմած է վկան:

Դատաւորի հարցումին, թէ ինչո՞ւ Թեքինը ուցած է սպաննել Տինքը, գաղտնի վկան պատասխանած է` «անոր գրածներուն պատճառով»:

Հրանդ Տինքի սպանութեան եւ «Էրկենեքոն» խմբաւորման կապին մասին բազմիցս խօսուած է: Այդ մասին պնդած էր նաեւ Տինքի գործով արդարացուած Էրհան Թունճելը, որ նշած էր, թէ Տինքի սպանութեան համար ցմահ ազատազրկման դատապարտուած Եասին Հայալը «Էրկենեքոն» խմբաւորման անդամ է:

LEAVE A REPLY

Please enter your comment!
Please enter your name here