Լատինական Ամերիկայի Երկիրներու Հայերը Ցնծութեամբ Ընդունած Են «Գոհար»-ի Համերգները

0
139

«Գոհար» սիմֆոնիկ նուագախումբը եւ երգչախումբը այս օրերուն առաջին անգամ համերգներով հանդէս եկաւ Լատինական Ամերիկայի շարք մը երկիրներու մէջ: 170 հոգիէ բաղկացած խումբին ելոյթը սկսաւ Մոնթէվիէէոյէն: Համերգին ներկայ էին նաեւ Ուրուկուէյի նախագահ Խոսէ Մուխիկան եւ երկրի առաջին տիկինը: Աննկարագրելի եւ աննախադէպ էր յատկապէս արժանթինաբնակ մեր հայրենակիցներու ոգեւորութիւնը: Շատերը խոստովանած են, որ շատոնցէ նման պրումներ չեն ունեցած: Պուէնոս Այրեսը ողողուած էր դրօշներով` Կիլիկեան թագաւորութեան, եւ Արժանթինի 1200 դրօշներ դահլիճ բերուած էին այդ օրը:

«Շնորհակալութիւ՛ն «Գոհար», ցուցադրելու համար, որ մեր ինքնութիւնը կենդանի է աւելի, քան երբեւէ»: Այդպիսի եւ նման կոչերով ու պաստառներով ամէն տեղ կը դիմաւորէին հիւրերը: Ծրագիրը կը ներառէր աւելի քան 80 երգեր ու պարեր: Գրեթէ բոլոր կատարումները ցնցութեամբ կ’ըընդունուէին հանդիսատեսներուն կողմէ: Ասիկա իսկապէս տօն մըն էր, որուն ընթացքին երգ ու պարին միացած էին նաեւ լատինամերիկացի հայերը: «Արմէնփրես»-ի թղթակիցը կը հաղորդէ, որ տեղական համայնքները որոշած են բոլոր համերգները առանձին խտասկաւառակներու վրայ ձայնագրել:

Տեղի հայկական լրատուամիջոցները կը դիտեն «Գոհար»-ի ներկայացումները իբրեւ անցնող ամսուան կարեւորագոյն իրադարձութիւն: Տասնմէկ մեներգչուհիներն ու 15 պարուհիները իրենց ելոյթներով գերած են ինչպէս հայութիւնը, այլ նաեւ այդ համերգներուն ներկայ օտարները: Ուշադրութենէ չէր վրիպած նաեւ բարձր մակարդակի գործիքաւորումը:

Նոյեմբեր 3-ին «Գոհար»-ը ելոյթ պիտի ունենայ Արժանթինի Քորտոպա քաղաքին, իսկ Նոյեմբեր 9-11` Պրազիլիի Սան Փաոլօ քաղաքին մէջ:

LEAVE A REPLY

Please enter your comment!
Please enter your name here