Մեծամօրի Աթոմակայանի Անվտանգութիւնը Կը Համապատասխանէ Միջազգային Չափանիշներուն

0
133

Հայաստանի աթոմային ելեկտրակայանին անվտանգութեան մակարդակը կը համապատասխանէ «ՄԱԳԱՏԷ»ի (Աթոմական ուժանիւթի միջազգային գործակալութիւն) կողմէ ճշդուած չափանիշներուն: Այս մասին յայտնած է ջրելեկտրակայանի գլխաւոր տնօրէն Գագիկ Մարկոսեան՝ «Արմենփրէս»ին հետ ունեցած զրոյցին ընթացքին։ Ան անհեթեթ նկատած է Թուրքիոյ ուժանիւթի եւ բնական պաշարներու նախարար Թաներ Եիլտիզի կողմէ աթոմակայանին սպառնացած վտանգին առնչուած կեղծ «մտահոգութիւնները» եւ անոր կատարած յայտարարութիւնները՝ իբր թէ «ՄԱԳԱՏԷ»ն պահանջած է փակել աթոմակայանը։ «Ատոմային էներգիայի միջազգային գործակալութեան յատուկ առաքելութիւնը խիստ լայնածաւալ եւ բարդ ստուգումներ է անցկացրել, որի արդիւնքներով՝ հայկական ատոմակայանի անվտանգութեան մակարդակը դրական գնահատականի է արժանացել», ընդգծած է Մարկոսեանը:
Անոր համաձայն, հիմնադրութեան օրէն ի վեր չորս տարին անգամ մը աթոմակայանին մէջ կը կատարուին հիմնական եւ ամբողջական վերանորոգութիւններ, վառելանիւթի դատարկման եւ այլ կարգի աշխատանքներ: «2012 թուականին ատոմակայանի անվտանգութեան բարձրացմանն ուղղուած լրացուցիչ միջոցառումների համար ստանդարտ համարուող 65օրեայ դադարը երկարել է՝ հասնելով 89 օրուայ», նշած է Մարկոսեանը:
Հայաստան «ՄԱԳԱՏԷ»ին հետ կը համագործակցի՝ աթոմային ուժանիւթի խաղաղ օգտագործման ի խնդիր, ինչպէս նաեւ լիովին կը կատարէ միջազգային ուխտերով իր ստանձնած պարտաւորութիւնները: Մեծամօրի աթոմակայանը կ՛արտադրէ Հայաստանի ելեկտրականութեան 40 տոկոսը:

 

LEAVE A REPLY

Please enter your comment!
Please enter your name here