Չինաստան Սուրիոյ Տագնապը Լուծելու Առաջարկներ Կը Ներկայացնէ

0
122

Չինաստանի իշխանութիւնները Նոյեմբեր 1-ին հաղորդեցին, թէ Սուրիոյ տագնապը լուծելու նպատակով առաջարկներ ներկայացուցած են ՄԱԿ-ի եւ Արաբական լիկայի Սուրիոյ հարցով յատուկ պատուիրակ Լախտար Իպրահիմիի. անոնցմէ մէկն է աստիճանական եւ շրջան առ շրջան զինադադարի հաստատումը, ինչպէս նաեւ ժամանակաւոր փոխանցման կառավարութեան մը կազմութիւնը:Այս մասին կը յայտնէ «Ռոյթըրզ»- գործակալութիւնը։

Միւս կողմէ՝ Իրանի արտաքին գործոց նախարար Ալի Աքպար Սալեհի յայտնած է, որ Ատհայի տօնին ընթացքին զինադադարը ձախողած է սուրիական ընդդիմութեան պատճառով: Ան շեշտած է, որ սուրիական տագնապը պէտք է լուծել քաղաքական կերպով: «Սուրիոյ մէջ որեւէ ժխտական զարգացում ժխտական ազդեցութիւն պիտի ունենայ շրջանի եւ մասնաւորաբար դրացի երկիրներուն վրայ», աւելցուց ան:

LEAVE A REPLY

Please enter your comment!
Please enter your name here