ՖԻՏԷի Վարկանշային Ցանկին Մէջ՝ Լեւոն Արոնեան Երկրորդ Դիրքի Վրայ

0
154

 ՖԻՏԷն (Ճատրակի համաշխարհային ֆետերասիոն) հրապարակեց ճատրակ խաղացողներու միջազգային նոր վարկանիշները՝ 1 Նոյեմբերի դրութեամբ: Հայաստանի ճատրակի ֆետերասիոնին կողմէ փոխանցուած լուրերուն համաձայն, վարկանշային աղիւսակի երկրորդ դիրքին վրայ է՝ 2815 միաւորով, Լեւոն Արոնեանը, որուն կը նախորդէ նորվեկացի Մակնուս Գարլսընը, որ ունի 2848 միաւոր: Հարիւր լաւագոյններուն մէջ կան նաեւ Վլատիմիր Յակոբեանը՝ 2703 միաւոր, Սերկէյ Մովսիսեանը՝ 2688 միաւոր, Գաբրիէլ Սարգսեանը՝ 2679 միաւոր եւ Տիգրան Լեւոնի Պետրոսեանը՝ 2659 միաւոր:
Լաւագոյն կին ճատրակ խաղացողներու առաջին 50ին մէջ են նաեւ Էլինա Դանիէլեանը՝ 25-րդ դիրքի վրայ, 2476 միաւորով, Լիլիթ Մկրտչեանը՝ 34-րդ, 2457 միաւորով:
Ճատրակի կիներու աշխարհի ախոյեանութեան Հայաստանը պիտի ներկայացնեն Էլինա Դանիէլեանն ու Լիլիթ Մկրտչեանը: Ռուսիոյ Խանտի Մանսիյսք քաղաքին մէջ 10 Նոյեմբերէն  2 Դեկտեմբերին կայանալիք մրցաշարքին իրենց մասնակցութիւնը պիտի բերեն 64 ճատրակ խաղացողներ՝ 33 երկիրներէ։ Մրցաշարքի մրցանակային հիմնադրամը 450 հազար տոլար է:

LEAVE A REPLY

Please enter your comment!
Please enter your name here