Ֆրանսական France 2 հեռուստատեսութեամբ Նախիջեւանի Հայկական Խաչքարերու Ոչնչացման Վերաբերեալ Շարժանկար Ցուցադրուած Է

0
163

Ֆրանսական հեղինակաւոր France 2 հեռուստաընկերութեամբ Նոյեմբեր 1-ին Chrntiens Orienteaux (Արեւելեան քրիստոնեաներ) հաղորդաշարին ընթացքին եթեր հեռարձակած է հայկական խաչքարի, արուեստի եւ աւանդոյթի մասին այս տարի նկարահանուած կէս ժամանոց ֆիլմ: Շարժանկարը կը կոչուի «Հայկական խաչքարեր. հայ ժողովուրդի հոգին եւ հոգեւորութիւնը»: Այս մասին կը հաղորդէ «Արմէնփրես»-ը:

Շարժնկարին մէջ արտացոլուած են հայ ժողովուրդի խաչքարագործութեան հին եւ հարուստ արուեստի աւանդոյթները, խաչքարերու էութիւնը եւ անոնց նշանակութիւնը հայ քրիստոնեայի համար: Նկարահանման իրենց մասնագիտական բացատրութիւններով աջակցած են նաեւ ֆրանսացի հեղինակաւոր գիտնականներ, պատմաբաններ եւ արուեստագէտներ: Շարժանկարին մէջ նաեւ դրուագներ կան խաչքարի պահպանման ուղղուած կոչով` Նախիջեւանի մէջ Պաքուի կողմէ հայկական խաչքարերու եւ գերեզմանոցներու աւերման եւ ոչնչացման վերաբերեալ: Շարժանկարը հնարաւոր պիտի ըլլայ դիտել France 2 հեռուստաընկերութեան համացանցային կայքէն:

France 2 հեռուստանըկերութեան կողմէ 2012-ի ամրան Հայաստանի մէջ նկարահանուած ֆիլմերէն Դեկտեմբեր 30-ին Փարիզի ժամանակով 9.30-ին պիտի ցուցադրուի մէկ այլ շարժանկար «Հայ եկեղեցւոյ արմատները եւ պատմութիւնը սկզբնական դարերուն» վերնագիրով ֆիլմը: Շարժանկարը ծրագրուած են Թոմա Վալիւի եւ Միշէլ Կաղիէի կողմէ:

LEAVE A REPLY

Please enter your comment!
Please enter your name here