Հայաստանի Մէջ Կ’ակնկալուի Քաղաքացիութիւն Ստանալու Դիմում Ներկայացնողներու Կտրուկ Աճ

0
121

 2013-ի պետական պիւտճէի նախագիծով Հայաստանի Հանրապետութեան քաղաքացիութիւն ստանալու եւ ՀՀ քաղաքացիութիւնը փոխելու համար գանձուող պետական տուրքի գիծով մուտքերը կանխատեսուած են 53,5 միլիոն դրամի չափով` 2012-ի համար հաստատուած 24,3 միլիոն դրամի, սպասողական 42,1 միլիոն դրամի եւ 2011-ին փաստացի ստացուած 25 միլիոն դրամի դիմաց:Այս մասին կը յայտնէ ՙPastinfo՚-ն։

Կառավարութեան հիմնաւորմամբ, պետական տուրքի այս տեսակի գիծով 2013-ի ցուցանիշը ծրագրուած է` մեկնելով ընթացիկ տարուայ փաստացի հաւաքագրման միտումներէն:

Հիւպատոսական ծառայութիւններու կամ գործողութիւններու համար գանձուող պետական տուրքերու գծով 2013-ի մուտքերը կանխատեսուած են աւելի քիչ, քան ընթացիկ տարուայ համար: Այսպէս` 2013-ի համար ծրագրուած են շուրջ մէկ միլիառ 955 միլիոն դրամի չափով մուտքեր` 2012-ի համար հաստատուած 2 միլիառ 27 միլիոն դրամի, սպասողական 2 միլիառ 254 միլիոն դրամի:

Պետական տուրքի այս տեսակի գիծով 2013-ի ցուցանիշը, ըստ կառավարութեան, ծրագրուած է, մեկնելով 2011-2012-ի փաստացի մուտքերու հաւաքագրման միտումներէն, 2012-ի սպասողական մուտքերէն, նկատի առնելով ՀՀ կառավարութեան Եւրոպական Միութեան անդամ եւ ոչ անդամ 29 պետութիւններու քաղաքացիներու մուտքի վիզայի ազատականացման 2013-էն իրականացուելիք քաղաքականութիւնը:

LEAVE A REPLY

Please enter your comment!
Please enter your name here