Ահաբեկիչները Սպաննած են Սուրիացի Ծանօթ Դերասանը

0
120

Ահաբեկիչները սպաննած են սուրիացի երիտասարդ դերասան Մուհամատ Ռաֆէան` նշանաւոր դերասան Ահմատ Ռաֆէայի զաւակը: Դերասանը առեւանգուած էր Դամասկոսի Պարզէ շրջանին մէջ: Այս մասին կը հաղորդէ new.am-ը՝ վկայակոչելով սուրիական ՍԱՆԱ գործակալութիւնը:

Առեւանգեալին հայրը յայտնած է, որ ահաբեկիչներու զինուած խումբը իր որդին առեւանգած է Նոյեմբեր 2-ին, իսկ Նոյեմբեր 3-ին ան արդէն սպաննուած է: Ան ըսած է, որ կը հպարտանայ իր զաւակով եւ իրեն համար մեծ պատիւ է միանալ սուրիացի այն հայրերուն, որոնց որդիները նահատակուած են Հայրենիքի անկախութեան եւ պատիւին համար:

«Մուհամատ Ռաֆէայի առեւանգումը եւ սպանութիւնը այն յանցագործութիւններու ծիրին մէջ է, որ զինուած խմբաւորումները կ’իրականացնեն ազգային դէմքերու եւ Սուրիոյ այն նշանաւոր մարդոց նկատմամբ, որոնք իրենց սկզբունքային դիրքորոշումը կը յայտնեն լայնազանգուած դաւադրութեան դէմ, որուն կ’ենթարկուի երկիրը եւ կը քննադատուին ահաբեկիչներու` սուրիացի ժողովուրդին նատմամբ իրականացուող յանցագործութիւնները: Մուհամատ Ռաֆէան ծնած է 1982-ին: Ան իր ստեղծագործական գործունէութիւնը սկսած է թատրոնէն եւ ձայնասփիւռէն, որոնց զուգահեռ նկարահանուած է բազմաթիւ հեռատեսիլային դիպաշարերու մէջ»,-կը նշէ ՍԱՆԱ:

LEAVE A REPLY

Please enter your comment!
Please enter your name here