Առաջին Պսակադրութիւն՝ Կրկին Ղօղանջող Զանգէն Ետք

0
149

Տիգրանակերտի (Տիարպեքիր) Սուրբ Կիրակոս հայկական եկեղեցւոյ մէջ 32 տարի ընդմիջումէ ետք տեղի ունեցած է եկեղեցական առաջին արարողութիւնը: Այս մասին կը յայտնէ Tert.am-ը։

1915թ.-ին ռմբակոծութեան հետեւանքով եկեղեցւոյ վնասուած զանգակատունը վերակառուցուած է եւ 97 տարի անց առաջին անգամ զանգերը դարձեալ ղօղանջած են:

Եկեղեցւոյ 100 քկ կշռող պրոնզէ զանգը պատրաստուած է Մոսկուայի մէջ: Ան 1915 թ-ին ռմբակոծութեան հետեւանքով վնասուած զանգի կրկնութիւնն է: Եկեղեցւոյ գմբէթը ռմբակոծուած էր շրջակայքի մզկիթներու մինարեթներէն բարձր ըլլալու պատճառաբանութեամբ:

Պոլսոյ հայոց պատրիարքի տեղապահ, արքեպիսկոպոս Արամ Աթէշեան նախ օծած է զանգակատունը, այնուհետ կատարած առաջին պսակադրութեան արարողութիւնը:

Զանգակատան օծման ու առաջին արարողութեան մասնակցած են ԱՄՆ-էն, Հայաստանէն, Քանատայէն բազմաթիւ հայեր:

Սուրբ Կիրակոս հայկական եկեղեցին կառուցուած է 1376 թ-ին: Ան իբրեւ հայկական եկեղեցի ծառայած է մինչեւ 1915, ապա վերածուած է բամպակի պահեստի: 1960-ին 3000 ք/մ տարածք ունեցող եկեղեցին դարձեալ հոգեւոր ծառայութիւն մատուցած է, բայց 1980 -էն կրկին լքուած է: Վերջին անգամ վերաբացուած է 2010-ին:

LEAVE A REPLY

Please enter your comment!
Please enter your name here