Ի՞նչ Նպատակ Կը Հետապնդէր Ատրպէյճանի ԱԳ Նախարարի Հետ Փարիզեան Հանդիպումը. Էտուարտ Նալպանտեանի Պարզաբանումները

0
142

Ատրպէյճանի արտաքին գործոց նախարար Էլմար Մամետիարովի հետ փարիզեան հանդիպման նպատակն էր` Ատրպէյճանը վերադարձնել կառուցողական բանակցութիւններու դաշտ: Այս մասին` ըստ News.am-ի` Նոյեմբեր 5-ին ՀՀ Ազգային Ժողովի պիւտճէտային քննարկումներու ժամանակ յայտարարած է ՀՀ արտաքին գործոց նախարար Էտուարտ Նալպանտեան: Անոր խօսքով` հանդիպումը նախաձեռնած են Մինսքի խումբի եռանախագաները, քանի որ Ատրպէյճանը մինչ այդ (Կազանի, Սոչիի, Աստրախանի, Ս. Փեթերսպուրկի մէջ) կայացած գագաթաժողովներուն ընթացքին մերժած է բոլոր այն առաջարկները, որոնք կատարուած էին եռանախագահներուն կողմէ` Լեռնային Ղարաբաղի հիմնախնդրի կարգաւորման ուղղութեամբ:

«Փաստօրէն` Ատրպէյճանը մերժում էր բանակցային գործընթացն առաջ շարժելուն ուղղուած առաջարկները, տապալում էր բանակցային գործընթացը: Վերջին խայտառակ գործարքը Սաֆարովի արտայանձման հետ կապուած` եւս մէկ հարուած էր բանակցային գործընթացին: Հայաստանը Սաֆարովի դէպքից մի քանի օր անց յայտարարեց, որ տրամադրուած է եւ վճռական է շարունակելու բանակցութիւնները: Եւ եթէ որեւէ կողմ ցանկութիւն ունի չշարունակել բանակցութիւնները` դա ատրպէյճանական կողմն է: Դա էր պատճառը, որ եռանախագահները նախաձեռնեցին այդ հանդիպումը»,- ըսած է Է. Նալպանտեան:

Նախարարի խօսքով` վերջին երկու ամսուան ընթացքին որոշ փոփոխութիւն կայ միջազգային հանրութեան դիրքորոշումներուն մէջ: «Չկայ մի երկիր, մի կառոյց, որը խստօրէն չքննադատէր ու չարտայայտէր իր վրդովմունքը այդ քայլի վերաբերեալ: Միայն մի բան չի փոխուել` դա Հայաստանի եւ եռանախագահների ընդհանուր ցանկութիւնն է` շարունակել բանակցային գործընթացը եւ պարտադրելու Ատրպէյճանին խաղաղ կարգաւորում ԼՂՀ վերաբերեալ»,- նշած է Է. Նալպանտեան:

LEAVE A REPLY

Please enter your comment!
Please enter your name here