Լաւրով եւ Իպրահիմի Դէմ Են Սուրիական Ճգնաժամը Ռազմական Միջամտութեամբ Յաղթահարելու Տարբերակին

0
138

Ռուսաստանի արտաքին գործոց նախարար Սերկէյ Լաւրով յայտարարած է, որ Ռուսաստանը միակ երկիրն է, որ կ’աշխատի Սուրիոյ իշխանութեան եւ ընդդիմութեան հետ` համաձայն ժնեւեան պայմանաւորուածութեան: Այս մասին կը հաղորդէ «Արմէնփրես»-ը` վկայակոչելով սուրիական ՍԱՆԱ գործակալութիւնը:

Գահիրէի մէջ Լաւրով բոլոր երկիրներուն կոչ ըրած է Սուրիոյ հակամարտող կողմերը յորդորել՝ կրակը դադեցնելու եւ բանակցութիւններու սեղանի շուրջ նստելու: Լաւրով մտահոգութիւն յայտնած է, որ Սուրիոյ ճգնաժամը իր ազդեցութիւնը կը ձգէ դրացի երկիրներուն եւ ամբողջ տարածաշրջանին վրայ:

Նախարարը ափսոսանք յայտնած է, որ քանի մը երկիրներ, որոնք մասնակցած են Ժնեւի հանդիպումին, չեն ցանկանար երկխօսութիւն սկսիլ Սուրիոյ կառավարութեան հետ եւ ատոր փոխարէն կ’օժանդակեն ընդդիմութեան: ՌԴ ԱԳ նախարարը յոյս ունի, որ այդ երկիրները իր վերջոյ Ռուսաստանի հետ մէկտեղ կը սկսին աջակցիլ ՄԱԿ-ի եւ Արաբական լիկայի բանագնացին:

Լաւրովի խօսքով` Արեւմուտքը պայմաններ կը ստեղծէ իշխանափոխութիւն իրականացնելու համար:

Իր հերթին ՄԱԿ-ի եւ Արաբական լիկայի բանագնաց Ախտար Իպրահիմի նշած է, որ գոյութիւն չունի սուրիական ճգնաժամի լուծման ռազմական միջամտութիւն իրականացնելու տարբերակ:

Համաձայն Ժնեւի մէջ տեղի ունեցած համաձայնութեան` բոլոր կողմերը պէտք է դադրեցնեն բոլոր տեսակի բռնութիւնները, եւ կառավարութեան ու ընդդիմութեան միջեւ բանակցոյթուններ սկսին:

LEAVE A REPLY

Please enter your comment!
Please enter your name here