Հալէպի Մէջ Հայ Մը Եւս Դարձած Է Պատահական Փամփուշտի Զոհ

0
139

 Երէկ երեկոյեան Հալէպի Վիլլաներու հայաբնակ շրջանին մէջ պատահական փամփուշտի զոհ գացած է եւս մէկ հայ՝ շրջանի բնակիչներէն Վարդան Խաչատուրեան: Այս մասին կը յայտնեն Հալէպի մէջ ԵՌԱԳՈՅՆ-ի աղբիւրները։

Ինչպէս տեղեկացուցած էր ԵՌԱԳՈՅՆ-ը Պէյրութէն Հալէպ ուղեւորուող հայ պատանդները ազատ արձակուած էին զիրենք առեւանգողներուն կողմէ, բայց անոնք տակաւին տուն չեն վերադարձած, ազատ է միայն անոնցմէ մէկը` Ճորճ Ռապաթ։
ՀՀ ԱԳՆ-ի փոխանցած տեղեկութեան համաձայն եւս մէկ հայ՝ Սաքօ Կոզանի առեւանգուած է Հալէպի մօտ գտնուող Սարաքէպ շրջանէն։

Սիւս կողմէ Դամասկոսի մէջ երէկ առաւօտեան սուրիական բանակի սպայակոյտի կեդրոնին մօտ, աշխատաւորներու գլխաւոր արհեստակցական միութեան շէնքին կից տեղի ունեցած է պայթում մը. ըստ ՍԱՆԱ լրատու գործակալութեան, արձանագրուած է տասնեակ մը վիրաւոր եւ նիւթական վնասներ: Գործողութեան պատասխանատուութիւնը ստանձնած է Մարգարէի թոռներ զօրախումբը:

LEAVE A REPLY

Please enter your comment!
Please enter your name here