Հայաստանը Դարձած է Միջազգային Ոստիկանական Ընկերակցութեան Ընկերակից Անդամ

0
139

Միջազգային ոստիկանական ընկերակցութեան 20-րդ գագաթնաժողովին Հայաստանը դարձած է այդ կազմակերպութեան ընկերակից անդամ: Հայաստանի լիիրաւ անդամութեան հարցը պիտի լուծուի Սեպտեմբեր 2013-ին` Քոփենհակընի մէջ կայանալիք գագաթնաժողովի ընթացքին: Ըստ «Արմէնփրես»-ի՝ այս մասին Նոյեմբեր 5¬-ին լրագրողներու հետ հանդիպման ժամանակ ըսած է Միջազգային ոստիկանական ընկերակցութեան հայաստանեան մասնաճիւղի նախագահ, ոստիկանութեան գնդապետ Գրիշա Սարգսեանը: «Իսրայէլում տեղի ունեցած գագաթնաժողովի ընթացքում քննարկուել են վետերան ոստիկանների համագործակցութեան, փորձի փոխանակման, միջազգային ահաբեկչութեան եւ այլ խնդիրների դէմ պայքարելու հարցեր», -ըսած է Գ.Սարգսեան:

Գագաթաժողովին մասնակցած է նաեւ Հունգարիոյ պատուիրակութիւնը: Հայկական պատուիրակութեան անդամ, «Արաբկիր» բժշկական կեդրոնի փոխտնօրէն էտմոն Սիմոնեանի խօսքով` Հունգարիոյ պատուիրակութիւնը գագաթնաժողովի առաջին օրն իսկ հրապարակայնօրէն ներողութիւն խնդրած է հայ պատուիրակներէն: «Հունգարիայի պատուիրակութիւնն ամպիոնից պաշտօնական ներողութիւնը խնդրեց Հայաստանից եւ հայ ժողովրդից` «սաֆարովեան» միջադէպի համար: եւ ոչ միայն այդ օրը: Ամէն անգամ հանդիպելիս` նրանք ափսոսանք արտայայտելու խօսքեր չէին գտնում»,-նշած է Սիմոնեան:

Միջազգային ոստիականական ընկերակցութեան մէջ ներկայացուած են նախկին եւ ներկայ բարձրաստիճան ոստիկաններ, որոնք լաւ ծանօթ են իրաւական չափանիշներուն: Կառոյցին նպատակը համաշխարհային տարողութեամբ ոստիկանութեան աշխատանքի կարեւորութեան ընդգծումն ու վեթերան ոստիկաններուն աջակցիլն է: Ընկերակցութիւնը ստեղծուած է 1952-ին ՄԱԿ-ի Ընկերային-տնտեսական յանձնաժողովին կից: Ան կը միաւորէ 64 երկիրներու աւելի քան 300 հազար իրաւապահ մարմիններու աշխատակիցներու եւ վեթերաններու:

LEAVE A REPLY

Please enter your comment!
Please enter your name here